ADM Naveen Babu Death: തഹസില്‍ദാര്‍ പദവയില്‍നിന്ന് മാറ്റണമെന്ന് ആവശ്യപ്പെട്ട് എ.ഡി.എം നവീന്‍ബാബുവിന്റെ ഭാര്യ മഞ്ജുഷ

തഹസിൽദാർ പദവിയിൽ നിന്ന് മാറ്റണമെന്ന് ആവശ്യപ്പെട്ട് എഡിഎം നവീൻ ബാബുവിന്റെ ഭാര്യ മഞ്ജുഷ. കൂടിയ ഉത്തരവാദിത്വങ്ങൾ നിർവഹിക്കാനുള്ള മാനസിക അവസ്ഥയിൽ അല്ലെന്നും പകരം കളക്ടറേറ്റിലെ സീനിയർ സൂപ്രണ്ട്  പദവിയിലേക്ക് മാറ്റിതരണമെന്നും റവന്യൂ വകുപ്പിന് അപേക്ഷ നൽകി. 

സ്വതന്ത്രവും ​ഗൗരവമേറിയതും ഏറെ ഉത്തരവാദിത്വമുള്ളതുമാണ് തഹസില്‍ദാല്‍ ജോലി. ഇത് നിറവേറ്റാനുള്ള മാനസികാവസ്ഥയിലൂടെയല്ല കടന്നുപോകുന്നതെന്നും മഞ്ജുഷ അപേക്ഷയിൽ പറയുന്നു. നിലവിൽ കോന്നി തഹസിൽദാരാണ് മഞ്ജുഷ. 

നവീൻ ബാബുവിന്റെ മരണത്തെ തുടർന്ന് അവധിയിലായിരുന്ന മഞ്ജുഷ അടുത്തമാസം ജോലിയിൽ തിരികെ  പ്രവേശിക്കാനിരിക്കെയാണ് അപേക്ഷ നൽകിയത്. മഞ്ജുഷയുടെ അപേക്ഷയില്‍ റവന്യൂവകുപ്പ് അനുകൂലമായ തീരുമാനമെടുക്കുമെന്നാണ് പ്രതീക്ഷ. സര്‍വീസ് സംഘടനകള്‍ക്കും മഞ്ജുഷയുടെ താത്പര്യത്തിന് ഒപ്പം നില്‍ക്കമെന്ന അഭിപ്രായമാണുള്ളത്.

കേസിൽ കഴിഞ്ഞ ദിവസം പിപി ദിവ്യക്ക് ജാമ്യം ലഭിച്ചിരുന്നു. കൂടുതൽ പ്രതികരിക്കാനില്ലെന്നായിരുന്നു മഞ്ജുഷ ഇന്നലെ പറഞ്ഞത്.