പി ജി പ്രവേശനത്തിനും പൊതുപരീക്ഷ; ജൂൺ പതിനെട്ട് വരെ അപേക്ഷിക്കാം

ഡൽഹി: കേന്ദ്ര സർവകലാശാലകളിലെ പി ജി കോഴ്സുകൾക്കുള്ള പ്രവേശനത്തിനും പൊതു പരീക്ഷ വരുന്നു . പരീക്ഷ നടപ്പാക്കാൻ യുജിസി തീരുമാനം . ഈ വർഷം തന്നെ പുതിയ സംവിധാനം നിലവിൽ വരുമെന്ന് യുജിസി അറിയിച്ചു. 45 കേന്ദ്ര സർവകലാശാലകളിൽ ബിരുദ പ്രവേശനത്തിന് പ്ലസ് ടു മാർക്കല്ല പൊതു പ്രവേശന പരീക്ഷയിലെ മാർക്കണ് മാനദണ്ഡമെന്ന് നേരത്തെ യുജിസി വ്യക്തമാക്കിയിരുന്നു . സർവകലാശാലകൾക്ക് മിനിമം യോഗ്യതാ മാനദണ്ഡം നിശ്ചയിക്കാമെന്നും യുജിസി അറിയിച്ചു . 

2022 അക്കാദമിക് സെക്ഷൻ മുതൽ പിജി കോഴ്സുകൾക്ക് പൊതുപ്രവേശന പരീക്ഷ മാനദണ്ഡം നിലവിൽ വരും . ജൂലൈ മൂന്നാം വാരം മുതൽ പരീക്ഷകൾ ആരംഭിക്കും . ജൂൺ പതിനെട്ടാണ് അപേക്ഷകൾക്കുള്ള അവസാന തീയതി. ഇംഗ്ലീഷിലും ഹിന്ദിയിലുമാകും പരീക്ഷ . യുജി കോഴ്സുകൾക്ക് വേണ്ടി ഇതിനോടകം 10.46ലക്ഷം പേര്‍ അപേക്ഷിച്ചിട്ടുണ്ട് . യുജി പ്രവേശനത്തിന് അപേക്ഷിക്കേണ്ട അവസാന തീയതി മെയ് 22ന് അവസാനിക്കും.