Masala Bond Case: ഐസക്കിനെ ചോദ്യംചെയ്യേണ്ടതിന്റെ ആവശ്യകത എന്ത്? കോടതിയെ എങ്കിലും ബോധ്യപ്പെടുത്തൂവെന്ന് ഇഡിയോട് ഹൈക്കോടതി

കൊച്ചി: മസാല ബോണ്ട്‌ കേസിൽ മുൻ ധനമന്ത്രി തോമസ് ഐസക്കിനെ ചോദ്യം ചെയ്യേണ്ടതിന്റെ ആവശ്യകത എന്തെന്ന് ഹൈക്കോടതി. കുറഞ്ഞപക്ഷം കോടതിയോട് എങ്കിലും കാര്യം വ്യക്തമാക്കണമെന്നാണ് ഇഡിയോട് ഹൈക്കോടതി ആവശ്യപ്പെട്ടിരിക്കുന്നത്.തോമസ് ഐസക്കിന് എന്തിനുവേണ്ടിയാണ് ചോദ്യം ചെയ്യുന്നത് എന്ന് വ്യക്തമായി കോടതിയിൽ ബോധ്യപ്പെടുത്തണമെന്നാണ് ആവശ്യം. മസാല ബോണ്ട്‌ ഇടപാട് കേസുമായി ബന്ധപ്പെട്ട് ഇഡി സമൻസിനെതിരായ തോമസ് ഐസക്കിന്റെ ഉപഹർജി പരിഗണിക്കവയാണ് ഇഡിക്ക് ഹൈക്കോടതി ഈ നിർദ്ദേശം നൽകിയിരിക്കുന്നത്.

 അന്തിമ തീർപ്പിനു വേണ്ടി ഇഡി സമൻസിനെതിരായ ഹർജി മാറ്റിയപ്പോൾ ഇഡി വീണ്ടും സമൻസ് അയച്ചുവെന്ന് തോമസ് ഹൈക്കോടതിയെ അറിയിച്ചു. അനുകൂല ഉത്തരവിടാത്തതിനാൽ ഹാജരാകാൻ ഒരു അവസരം കൂടി നൽകാമെന്നും, മസാല ബോണ്ട് വഴി കൈപ്പറ്റിയ തുക എങ്ങനെ ചെലവഴിച്ചു എന്ന കാര്യത്തിൽ വ്യക്തത വരുത്തണമെന്നുമായിരുന്നു സമൻസിൽ ഉണ്ടായിരുന്നത്. അതേസമയം മസാല ബോണ്ട് കേസിൽ ഇഡി നടത്തുന്നത് അധികാരം വിനിയോഗം ആണെന്ന വാദം കിഫ്ബിയും ഹൈക്കോടതിയിൽ നടത്തിയിരുന്നു. സംസ്ഥാന സർക്കാറിന് വേണ്ടി കിഫ്ബി പണം ശേഖരിച്ച്  അത് ജനങ്ങളുടെ ആവശ്യങ്ങൾക്ക് വേണ്ടിയാണ് വിനിയോഗിച്ചതെന്നും 200 അധികം രേഖകളിലാണ് ഒപ്പു വച്ചിരുന്നത് എന്നും കിഫ്ബി കോടതിയിൽ വ്യക്തമാക്കിയിട്ടുണ്ട്.