Karuvannur bank Fraid Case: കരുവന്നൂർ ബാങ്ക് പണം തട്ടിപ്പ്; പി കെ ബിജുവിനും ഷാജനും ഇഡിയുടെ നോട്ടീസ്

തിരുവനന്തപുരം: കരുവന്നൂർ സഹകരണ ബാങ്ക് തട്ടിപ്പിൽ പുതിയ നീക്കങ്ങളുമായി ഇഡി.  കള്ളപ്പണ കേസുമായി ബന്ധപ്പെട്ട് മുൻ എം പി പി കെ ബിജുവിനും ഷാജനും നോട്ടീസ് നൽകി. എ.സി.മൊയ്തീന്‍, എം.കെ.കണ്ണന്‍ എന്നിവർക്കെതിരെയും സഹകരണ രജിസ്ട്രാർക്ക് എതിരെയും കടുത്ത നടപടി ഉണ്ടാകുമെന്നാണ് സൂചന. അതേസമയം കരുവന്നൂർ കള്ളപ്പണ ഇടപാടുമായി ബന്ധപ്പെട്ട് കൂടുതൽ സിപിഎം നേതാക്കളിലേക്ക് അന്വേഷണം വ്യാപിപ്പിക്കാനാണ് ഇഡിയുടെ നീക്കം. കൂടുതൽ പേരെ ചോദ്യം ചെയ്യുമെന്നാണ് ലഭിക്കുന്ന സൂചന.

ബിജുവിനോടും ഷാജഹാനോടും ചോദ്യം ചെയ്യലിന് ഹാജരാകണം എന്നാണ് നോട്ടീസ് നൽകിയിരിക്കുന്നത്. ബിജുവിനോട് വ്യാഴാഴ്ചയും ഷാജി നോട് വെള്ളിയാഴ്ചയും ഹാജരാകാനാണ് ഇഡി ആവശ്യപ്പെട്ടിരിക്കുന്നത്.  കരുവന്നൂർ ബാങ്കിലെ തട്ടിപ്പ് അന്വേഷിക്കാനായി സിപിഎം നിയോഗിച്ച അന്വേഷണസമിതിയിലെ അംഗങ്ങൾ ആയിരുന്നു ഇരുവരും. അന്വേഷണവുമായി ബന്ധപ്പെട്ട റിപ്പോർട്ട് ഇഡി ആവശ്യപ്പെട്ടിരുന്നുവെങ്കിലും സിപിഎം ജില്ലാ സെക്രട്ടറി എം എം വർഗീസ് ഇത് കൈമാറാൻ തയ്യാറായിരുന്നില്ല. കൂടാതെ കേസിലെ മുഖ്യപ്രതികളിൽ ഒരാളായ സതീഷ് കുമാറുമായി ബിജുവിന് പണമിടപാട് ഉണ്ടെന്നും ഇഡി കണ്ടെത്തിയിട്ടുണ്ട്.