Kavya Madhavan Laksyah Boutique : കാവ്യ മാധവന്റെ ബുട്ടീക്കിൽ തീപിടുത്തം; സംഭവം പുലർച്ചെ മൂന്ന് മണിക്ക്

കൊച്ചി : നടി കാവ്യ മാധവന്റെ ബുട്ടീക്കിൽ തീപിടുത്തം. ഇടപ്പള്ളി ഗ്രാൻഡ് മാളിലുള്ള ലക്ഷ്യ ബുട്ടിക്കിൽ പുലർച്ചെ മൂന്ന് മണിക്കാണ് തീപിടുത്തം ഉണ്ടായിരിക്കുന്നത്. ഷോർട്ട് സർക്യൂട്ടാണെന്നാണ് പ്രഥമിക നിഗമനം.

ബുട്ടീക്കിലെ തുണിത്തരങ്ങളും മറ്റ് തയ്യൽ സാമഗ്രഹികളും കത്തി നശിച്ചു. മറ്റ് കാര്യമായ നാശനഷ്ടങ്ങൾ ഒന്നും സംഭവിച്ചിട്ടില്ലയെന്നാണ് റിപ്പോർട്ട്. 

ഇന്ന് മാർച്ച് 9ന് രാവിലെ സെക്യൂരിറ്റി ജീവനക്കാരൻ എത്തയപ്പോഴാണ് സ്ഥാപനത്തിനുള്ളിൽ നിന്ന് പുക പുറത്തേക്ക് വരുന്നതായി കണ്ടെത്തിയത്. ലക്ഷ്യ ബുട്ടീക്കിന്റെ ഓൺലൈൻ വിപണി കേന്ദ്രീകരിക്കുന്നത് ഇടപ്പള്ളിയിലെ ഈ സ്ഥാപനത്തിൽ നിന്നാണ്. 

രണ്ട് യൂണിറ്റ് ഫയർ ഫോഴ്സെത്തിയാണ് തീയണച്ചത്. ലക്ഷങ്ങളുടെ നാശനഷ്ടങ്ങൾ ഉണ്ടായിരിക്കുന്നത്.