Kerala Assembly: നിയമസഭാസമ്മേളനം; അടിയന്തര പ്രമേയത്തിന് അനുമതി, 4 എംഎൽഎമാർക്ക് താക്കീത്

ആർഎസ്എസ്-എഡിജിപി ബന്ധം ചർച്ച ചെയ്യണമെന്ന് ആവശ്യപ്പെട്ട് പ്രതിപക്ഷം നൽകിയ നോട്ടീസിന് അനുമതി നൽകി മുഖ്യമന്ത്രി. ഉച്ചയ്ക്ക് 12 മണി മുതൽ 2 മണി വരെ ചർച്ചയ്ക്കാണ് അനുമതി നൽകിയത്. 

ഇന്നലെ സ്പീക്കറുടെ ഡയസിന് മുന്നിൽ പ്രതിഷേധിക്കുകയും ബാനൽ ഉയർത്തുകയും ചെയ്ത സംഭവത്തിൽ നാല് പ്രതിപക്ഷ എംഎൽഎമാരെ താക്കീത് ചെയ്തു. മാത്യു കുഴൽനാടൻ, ഐ.സി ബാലകൃഷ്ണൻ, അൻവർ സാദത്ത്, സജീവ് ജോസഫ് എന്നിവരെയാണ് താക്കീത് ചെയ്തത്. മന്ത്രി എം.ബി രാജേഷ് നടപടി ആവശ്യപ്പെട്ട് പ്രമേയം അവതരിപ്പിച്ചതിന് പിന്നാലെയാണ് താക്കീത്.

അതേസമയം മന്ത്രിയുടെ പ്രമേയത്തിനെതിരെ പ്രതിപക്ഷ നേതാവ് രം​ഗത്തെത്തി. ആദ്യമായല്ല സഭയിൽ ഇത്തരമൊരു സംഭവമുണ്ടാകുന്നതെന്ന് പ്രതിപക്ഷ നേതാവ് പറഞ്ഞു. അടിയന്തര പ്രമേയം ചർച്ചയിൽ നിന്ന് ഒളിച്ചോടാനാണ് പ്രതിഷേധം നടത്തിയതെന്നും ഡയസിൽ കയറി പ്രതിഷേധിച്ച എംഎൽഎമാരെ തള്ളിപ്പറയാൻ പ്രതിപക്ഷ നേതാവ് തയ്യാറാകാത്തത് ദൗർഭാ​ഗ്യകരമെന്ന് മുഖ്യമന്ത്രി പ്രതികരിച്ചു.