Kerala COVID Update : സംസ്ഥാനത്ത് കുതിച്ചുയർന്ന് കോവിഡ്; 300 പേർക്ക് രോഗബാധ, മൂന്ന് മരണം കഴിഞ്ഞ 24 മണിക്കൂറിൽ റിപ്പോർട്ട് ചെയ്തു

Kerala COVID Update Today : സംസ്ഥാനത്ത് കുതിച്ചുയർന്ന് കഴിഞ്ഞ 24 മണിക്കൂറിലെ കോവിഡ് കണക്കുകൾ. 300 പേർക്കാണ് രോഗബാധയുണ്ടായിരിക്കുന്നതെന്ന് കേന്ദ്ര ആരോഗ്യമന്ത്രാലയം വെബ്സൈറ്റിൽ രേഖപ്പെടുത്തിയത്. കൂടാതെ മൂന്ന് മരണം കോവിഡ് ബാധയെ തുടർന്നാണ് കണ്ടെത്തി. 358 കോവിഡ് കേസുകളാണ് രാജ്യത്താകെ റിപ്പോർട്ട് ചെയ്തിരിക്കുന്നത്. അതിൽ 300 കേസും കേരളത്തിൽ നിന്നാണ്.

300 പുതിയ കേസുകൾ എത്തിയതോടെ സംസ്ഥാനത്തെ നിലവിലുള്ള കോവിഡ് ബാധിതരുടെ എണ്ണം 2341 ആയി. കഴിഞ്ഞ ദിവസം 211 പേരാണ്ല സംസ്ഥാനത്ത് കഴിഞ്ഞ ദിവസം കോവിഡ് മുക്തരായത്. മൂന്ന് മരണം കൂടി രജിസ്റ്റർ ചെയ്തതോടെ കേരളത്തിലെ ആകെ കോവിഡ് മരണം 72059 ആയി. നിലവിൽ രാജ്യത്ത് 2669 കോവിഡ് ബാധതരാണുള്ളത്. രാജ്യത്തെ ആകെ കോവിഡ് മരണം 533327 ആയി.

നിലവിലെ ആക്ടീവ് കേസുകളില്‍  ഭൂരിഭാഗം പേരും വീടിനുള്ളിൽ ചികിത്സയിൽ കഴിയുന്നവരാണ്. കോവിഡ് രോഗലക്ഷണമുള്ളവര്‍ക്ക് മാത്രം കോവിഡ് പരിശോധന നടത്തുന്നതാണ് അഭികാമ്യം. ഗുരുതര രോഗമുള്ളവര്‍, പ്രായമായവര്‍, ഗര്‍ഭിണികള്‍ എന്നിവര്‍ക്ക് പ്രത്യേക പരിഗണന വേണം. കോവിഡ് പോസിറ്റീവായാല്‍ ചികിത്സിക്കുന്ന ആശുപത്രിയില്‍ തന്നെ വേണം ചികിത്സ ഉറപ്പാക്കേണ്ടത്. ആശുപത്രി ജീവനക്കാരും ആശുപത്രിയിലെത്തുന്നവരും കൃത്യമായി മാസ്‌ക് ധരിച്ച് വേണം ചികിത്സക്ക് എത്താൻ. ഗുരുതര രോഗമുള്ളവര്‍, ഗര്‍ഭിണികള്‍ തുടങ്ങിയവരും മാസ്‌ക് ധരിക്കണം.