Kerala Rain : സംസ്ഥാനത്ത് മഴ കനക്കുന്നു; മൂന്ന് വടക്കൻ ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി
Kerala Rain Updates : വടക്കൻ കേരളത്തിൽ ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് മുന്നറിയിപ്പ് നൽകിയിരിക്കുന്നത്
തിരുവനന്തപുരം : സംസ്ഥാനത്ത് ഒരു ഇടവേളയ്ക്ക് ശേഷം മഴ ശക്തമായതിന് തുടർന്ന് മൂന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. കോഴിക്കോട്, കണ്ണൂർ, വയനാട് ജില്ലകളിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് നാളെ ജൂലൈ 24ന് അവധി പ്രഖ്യാപിച്ചിരിക്കുന്നത്. അംഗനവാടി, സിബിഎസ്ഇ, ഐസിഎസ്ഇ സ്കുളുകൾക്കും മദ്രസകൾക്കും അവധി ബാധകമാണ് ജില്ല കലക്ടർമാർ അറിയിച്ചു. എന്നാൽ പി എസ് സി പരീക്ഷകൾക്ക് മാറ്റമില്ലെന്ന് കലക്ടമാർ വ്യക്തമാക്കി.
എന്നാൽ അവധിയെ തുടർന്ന നഷ്ടമാകുന്ന ക്ലാസുകൾ സ്ഥാപന മേധാവികൾ വിദ്യാർഥികൾക്ക് മറ്റൊരു ദിവസത്തേക്ക് സജ്ജമാക്കണം. മഴക്കെടുതിയിൽ നിന്നും വിദ്യാർഥികളെ അകറ്റി നിർത്താനുള്ള നിർദേശങ്ങളും നൽകേണ്ടതാണെന്നും ജില്ല കളക്ടമാർ നിർദേശം നൽകി. കണ്ണൂർ സർവ്വകലാശാലയിൽ നാളെ നടക്കാനിരുന്ന പ്രവേശനം മാറ്റി. വിവിധ ഡിപ്പാർട്ട്മെന്റുകളിലെയുജി പിജി പ്രവേശനങ്ങൾ മാറ്റി. കോളേജുകളിലെ യുജി പ്രവേശനവും മാറ്റിവെച്ചു. പ്രവേശന നടപടികൾ ചൊവ്വാഴ്ച നടക്കും
ALSO READ : Weather Update: ഉത്തരേന്ത്യയിൽ കനത്ത മഴ തുടരുന്നു; വിവിധ സംസ്ഥാനങ്ങളിൽ ജാഗ്രതാ നിർദേശം
ഓറഞ്ച് അലേർട്ട് പ്രഖ്യാപിച്ച സാഹചര്യത്തിലാണ് കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിരിക്കുന്നത്. എന്നാൽ മുൻകൂട്ടി തീരുമാനിച്ചിരിക്കുന്ന സർവകലാശാല, മറ്റ് പരീക്ഷകൾക്കോ മാറ്റമില്ലെന്ന് കോഴിക്കോട് ജില്ല കലക്ടർ വ്യക്തമാക്കി. ശക്തമായ മഴ മുന്നറിയിപ്പിനെ തുടർന്നാണ് മലയോര ജില്ലയായ വയനാട്ടിലും കലക്ടർ അവധി പ്രഖ്യാപിച്ചിരിക്കുന്നത്. ഈ മൂന്ന് ജില്ലകൾക്ക് പുറമെ കാസർകോട് ജില്ലയിലും നാളെ ഓറഞ്ച് അലേർട്ടാണ് പ്രഖ്യാപിച്ചിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...