Supplyco Issue: മാധ്യമങ്ങളെ സപ്ലൈക്കോ ഔട്ട്ലെറ്റുകളിൽ അടുപ്പിക്കരുത്..! വിചിത്ര ഉത്തരവുമായി സപ്ലൈക്കോ എംഡി

തിരുവനന്തപുരം: സപ്ലൈക്കോയിൽ സാധനങ്ങൾ ഇല്ലാത്തതിന്റെ വിവാദങ്ങളും പ്രശ്നങ്ങളും നിലനിൽക്കേ വിചിത്ര ഉത്തരവുമായി സപ്ലൈക്കോ എം ‍ഡി ശ്രീരാം വെങ്കിട്ടരാമൻ. സപ്ലൈക്കോയുടെ ഒരു ഔട്ട്ലെറ്റുകളിലും മാധ്യമങ്ങളെ പ്രവേശിപ്പിക്കരുതെന്നാണ് ശ്രീരാം വെങ്കിട്ടരാമൻ ഉത്തരവിറക്കിയിരിക്കുന്നത്. സംസ്ഥാനത്തെ മറ്റു പല വലിയ റീട്ടെയിൽ ശൃംഖലകൾക്കിടയിൽ വലിയ തരത്തിൽ മത്സരിച്ചു കൊണ്ടാണ് സപ്ലൈക്കോ ശൃംഖലകൾ നിലകൊള്ളുന്നത്. അതിനിടയിൽ സപ്ലൈക്കോയുടെ പ്രതിച്ഛായയും പ്രശസ്തിയും ഇല്ലാതാക്കാൻ മനപൂർവ്വമായി നടത്തുന്ന പ്രവർത്തനങ്ങൾ സംരംഭത്തെ പ്രതികൂലമായി ബാധിക്കും. ആ കാരണം ചൂണ്ടിക്കാട്ടിയാണ് മാധ്യമങ്ങളെ ഔട്ട്ലെറ്റുകളിൽ പ്രവേശിപ്പിക്കരുതെന്ന പ്രഖ്യാപനം നടത്തിയിരിക്കുന്നത്.

ഇത് സ്ഥാപനത്തിന്റെ പ്രതിച്ഛായയെ കൂടുതൽ മോശമായി ബാധിക്കുമെന്നും അതിനാൽ ജീവനക്കാർ അത്തരത്തിലുള്ള അഭിമുഖങ്ങളൊന്നും നൽകരുതെന്നും ഉത്തരവിൽ വ്യക്തമാക്കുന്നു. സബ്സിഡി തുക കുറയ്ക്കാനുള്ള മന്ത്രിസഭാ തീരുമാനപ്രകാരം ബുധനാഴ്ച്ച മുതൽ കൂടി വില ഔട്ട്ലെറ്റുകളിൽ പ്രബല്യത്തിൽ വന്നു. ഇതിന്റെ തലേദിവസമാണ് വിചിത്രമായ തർക്കുലറുമായ എംഡി എത്തിയിരിക്കുന്നത്. നിർദ്ദേശങ്ങൾ പാലിച്ചില്ലെങ്കിൽ അത്തരം പ്രവർത്തനങ്ങൾക്കെതിരെ അച്ചടക്ക നടപടികൾ ഉണ്ടാകുമെന്നും ഉത്തരവിൽ വ്യക്തമാക്കിയിട്ടുണ്ട്.