Kerala Vegetable Price Hike: സംസ്ഥാനത്ത് പച്ചക്കറിവില വമ്പൻ കുതിപ്പിൽ! തക്കാളിക്ക് തീ വില

തിരുവനന്തപുരം: കേരളത്തിൽ പച്ചക്കറിയുടെ വില കുതിച്ചുയരുന്നു. തക്കാളിയുടെ വില വീണ്ടും നൂറായി ഉയരുകയാണ്. തലസ്ഥാനത്ത് ഒരു കിലോ തക്കാളിയുടെ വില 100 ലേക്ക് എത്തി. കഴിഞ്ഞ ദിവസങ്ങളിൽ ഒരു കിലോ തക്കാളിയുടെ വില 35 രൂപയായിരുന്നു. കോഴിക്കോട് തക്കാളിയുടെ വില 82 ആണ്. അതേസമയം ഇഞ്ചിയുടെ വിലയും ഉയർന്നു തന്നെ തുടരുകയാണ്. കാസർ​ഗോഡ് ജില്ലയിൽ കഴിഞ്ഞ ദിവസത്തെ അപേക്ഷിച്ച് തക്കാളിയുടെ വില ഏകദേശം അൻപത് രൂപയോളം കുറഞ്ഞു.

എന്നാൽ കണ്ണൂരിൽ ഇഞ്ചിയുടെ വിലയിൽ നേരിയ വർദ്ദനവാണ് ഉണ്ടായത്. മറ്റ് ജില്ലകളിൽ കഴിഞ്ഞ ദിവസത്തെ അപേക്ഷിച്ച്‌ പച്ചക്കറി നിരക്കില്‍ കാര്യമായ വ്യത്യാസം ഉണ്ടായിട്ടില്ല. തമിഴ്‌നാട് അതിര്‍ത്തിയിലുള്ള പാലക്കാട് വേലന്താവളം മാര്‍ക്കറ്റില്‍ പച്ചക്കറി എത്തുന്നത് കുറഞ്ഞ സാഹചര്യത്തിലാണ് പച്ചക്കറിയുടെ വില ഉയരുന്നത്. ഈ നില തുടർന്നാൽ പച്ചക്കറിയുടെ വില ഇനുയും വർദ്ധിക്കാനാണ് സാധ്യത. 15 രൂപയായിരുന്ന പടവലത്തിന്റെ വില ഇപ്പോൾ 25 രൂപയാണ്. 25 രൂപ വിലയുണ്ടായിരുന്ന വഴുതനങ്ങ 40 രൂപയിലെത്തി. പയറിന്റെ വില 80 രൂപയായി ഉയർന്നും. 30 രൂപയായിരുന്നു പയറിന്റെ വില. തമിഴ്നാട്ടിൽ മഴ കുറഞ്ഞതോടെ പച്ചക്കറി കൃഷിയെ അത് സാരമായി ബാധിച്ചു. ഇതോടെz തമിഴ്നാട്ടിൽ നിന്നും കേരളത്തിലേക്ക് പച്ചക്കറി എത്തുന്നതും കുറഞ്ഞു. ഇത് വില വർദ്ദനയ്ക്കും കാരണമായി.