Kollam Child Missing Case: ആറ് വയസുകാരിയെ തട്ടിക്കൊണ്ടുപോയ സംഭവം: കസ്റ്റഡിയിലെടുത്തവരെ ചോദ്യം ചെയ്തശേഷം വിട്ടയച്ചേക്കും

കൊല്ലം: ഓയൂരിൽ നിന്നും ആറു വയസ്സുള്ള പെൺകുട്ടിയെ തട്ടിക്കൊണ്ടുപോയ സംഭവത്തിൽ പോലീസ് തിരുവനന്തപുരത്തു നിന്നും കസ്റ്റഡിയിലെടുത്ത മുന്നുപേരേയും ചോദ്യം ചെയ്തശേഷം വിട്ടയച്ചേക്കുമെന്ന് റിപ്പോർട്ട്. ഇവർക്ക് സംഭവവുമായി ഒരു ബന്ധവുമില്ലെന്നാണ് വിവരം. 

കേസുമായി ബന്ധമുണ്ടെന്ന സംശയത്താൽ ഇന്ന് രാവിലെ ശ്രീകണ്‌ഠേശ്വരത്തു നിന്ന് രണ്ടുപേരേയും ശ്രീകാര്യത്തു നിന്ന് ഒരാളെയും പോലീസ് കസ്റ്റഡിയിലെടുത്തിരുന്നു. ഇവരെ വിശദമായി ചോദ്യം ചെയ്തതിൽ നിന്നും ഇവർക്ക് കേസുമായി ബന്ധമില്ലെന്ന് പോലീസ് കണ്ടെത്തുകയായിരുന്നു. 

സഹോദരനൊപ്പം ട്യൂഷന്‍ പോകുന്നതിനിടെയാണ് ഓയൂർ സ്വദേശി റെജിയുടെ മകൾ അബിഗേൽ സാറയെ കാറിലെത്തിയ സംഘം തട്ടിക്കൊണ്ടു പോയത്.  നാലുപേരാണ് കാറിലെത്തിയതെന്നും അമ്മക്ക് കൊടുക്കാനായി ഒരു പേപ്പർ കൊടുക്കാൻ നീട്ടിയെന്നും ഇല്ലെന്ന് പറഞ്ഞപ്പോൾ കുട്ടിയെ വലിച്ചിടുകയുമായിരുന്നെന്ന് കസേരയുടെ സഹോദരൻ പറഞ്ഞു.