Crime: വിയ്യൂർ ജയിലിൽ സംഘർഷം; കൊടി സുനിയും സംഘവും ജീവനക്കാരെ ആക്രമിച്ചു
Kodi Suni and gang attacked Viyyur jail employees: കമ്പിവടി ഉൾപ്പെടെ ഉപയോഗിച്ചുണ്ടായ ആക്രമണത്തിൽ മൂന്ന് ജയിൽ ജീവനക്കാർക്ക് പരിക്കേറ്റു.
തൃശൂർ : വിയ്യൂർ ജയിലിൽ സംഘർഷം. ടി.പി ചന്ദ്രശേഖരൻ വധക്കേസ് പ്രതി കൊടി സുനിയുടെ നേതൃത്വത്തിൽ ജയിൽ ജീവനക്കാരെ ആക്രമിച്ചു. ആക്രമണത്തിൽ മൂന്ന് ജയിൽ ജീവനക്കാർക്ക് പരിക്കേറ്റു.
ഇന്ന് ഉച്ചയ്ക്ക് 2 മണിയോടെയായിരുന്നു സംഭവമുണ്ടായത്. കൊടി സുനിയും സംഘവും ആയുധങ്ങൾ ഉപയോഗിച്ചാണ് ജീവനക്കാരെ ആക്രമിച്ചത്. ജയിൽ ഓഫീസിൽ എത്തിയാണ് സംഘം ആക്രമണം അഴിച്ചുവിട്ടത്.
ALSO READ: സിക്ക പ്രതിരോധ പ്രവര്‍ത്തനങ്ങള്‍ ശക്തമായി തുടരുന്നു: മന്ത്രി വീണാ ജോര്‍ജ്
വാക്കുതർക്കമാണ് ആക്രണണത്തിലേയ്ക്ക് നയിച്ചതെന്നാണ് വിവരം. കമ്പിവടി ഉൾപ്പെടെയുള്ള ആയുധങ്ങളുമായി ജയിൽ ഓഫീസിൽ എത്തിയ സംഘം ജീവനക്കാരെ ആക്രമിക്കുകയായിരുന്നു. ആക്രമണം തടയാനെത്തിയ മൂന്നു ജയിൽ ഉദ്യോഗസ്ഥർക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു.
ജയിൽ ഓഫീസിലെ ഫർണീച്ചറുകളും സംഘം തല്ലിത്തകർത്തിരുന്നു. ജില്ലാ ജയിലിലെ ഉദ്യോഗസ്ഥർ കൂടി എത്തിയാണ് തടവുകാരെ കീഴ്പ്പെടുത്തിയത്. നിലവിൽ സ്ഥിതി നിയന്ത്രണവിധേയമാണെന്ന് ജയിൽ അധികൃതർ അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.