Local Body By polls Result: തദ്ദേശ ഉപതിരഞ്ഞെടുപ്പ് ഫലം ഇന്ന്; എല്ലാ കണ്ണുകളും ആറളത്തേക്ക്
ലോക്കൽ ബോഡി ഉപതിരഞ്ഞെടുപ്പ് ഫലം: സംസ്ഥാനത്തെ 9 ജില്ലകളിലെ 15 തദ്ദേശ വാർഡുകളിൽ കഴിഞ്ഞ ദിവസം നടന്ന ഉപതിരഞ്ഞെടുപ്പ് ഫലം ഇന്നറിയാം. രാവിലെ പത്ത് മണിക്കാണ് വോട്ടെണ്ണൽ.
ഉപതെരഞ്ഞെടുപ്പില്‍ രേഖപ്പെടുത്തിയത് 79.73ശതമാനം വോട്ടാണ്. 1185 വോട്ടര്‍മാരുടെ വാര്‍ഡില്‍ ഭൂരിപക്ഷവും സ്ത്രീകളാണ്. ഈഴവ, ആദിവാസി വിഭാഗങ്ങളിലെ വോട്ട് ഏങ്ങോട്ട് വീഴുമെന്നത് ഫലത്തെ സ്വാധീനിക്കുമെന്നാണ് വിലയിരുത്തല്‍.
Also Read: Aaralam By Election : കണ്ണൂർ ആറളം പഞ്ചായത്തിൽ ഉപതിരഞ്ഞെടുപ്പ് നാളെ നടക്കും
കേരളം ഉറ്റുനോക്കുന്നത് കണ്ണൂര്‍ ആറളം (Aaralam) പഞ്ചായത്തിലെ ഫലമാണ്. ഒറ്റ സീറ്റിന്റെ ഭൂരിപക്ഷത്തില്‍ എല്‍ഡിഎഫ് ഭരിക്കുന്ന പഞ്ചായത്തില്‍ എല്‍ഡിഎഫ് അംഗം മരിച്ചതിനെ തുടര്‍ന്നാണ് ആറളത്ത് തിരഞ്ഞെടുപ്പ് നടന്നത്. ഭരണം നിലനിര്‍ത്താന്‍ എല്‍ഡിഎഫും പിടിച്ചടക്കാന്‍ യുഡിഎഫും നടത്തിയ മത്സരത്തിൽ വാശിയേറിയ പ്രചാരണമാണ് വാര്‍ഡില്‍ നടന്നത്.