ബാണാസുര വനത്തിൽ മാവോയിസ്റ്റ് ഏറ്റുമുട്ടൽ; ഒരാൾ കൊല്ലപ്പെട്ടു

ബത്തേരി: വയനാട് (Wayanad) ബാണാസുര വനത്തിൽ വച്ചുണ്ടായ മാവോയിസ്റ്റ്- പോലീസ് ഏറ്റുമുട്ടലിൽ ഒരാൾ കൊല്ലപ്പെട്ടു. പടിഞ്ഞാറെത്തറ  മേഖലയിലാണ് ഏറ്റുമുട്ടൽ നടന്നത്. എന്നാൽ, ഇതുവരെ സംഭവത്തിൽ ഔദ്യോഗിക സ്ഥിരീകരണം ഒന്നും തന്നെ ഉണ്ടായിട്ടില്ല. ഏറ്റുമുട്ടൽ തുടരുകയാണ് എന്നാണ് വിവരം.

തണ്ടർബോൾട്ട് സംഘത്തെ മാവോയിസ്റ്റുകൾ ആക്രമിക്കുകയായിരുന്നു എന്നാണു  റിപ്പോർട്ട്. പടിഞ്ഞാറേത്തറയുടെയും ബാണാസുര സാഗറിന്റെയും ഇടയിലുള്ള വാളാരംകുന്ന് മേഖലയിലാണ് ഏറ്റുമുട്ടൽ  ഉണ്ടായത്. ഇന്ന് പുലർച്ചയോടെയായിരുന്നു ആക്രമണം. മരിച്ച ഒരാൾ മാവോയിസ്റ്റാണോ എന്ന കാര്യത്തിലും വ്യക്തതയില്ല.