കാണാതായ സി.ഐ സുഹൃത്തിന്റെ വീട്ടിൽ; വയനാട്ടിലേക്ക് കൊണ്ടുപോകും
Panamaram Ci Missing Case: അതേസമയം സിഐയുടെ പെട്ടെന്നുണ്ടായ തിരോധാനത്തിന് പിന്നിലെ കാരണം വ്യക്തമല്ല
തിരുവനന്തപുരം: വയനാട്ടിൽ നിന്ന് കാണാതായ സിഐയെ കണ്ടെത്തി.പനമരം പൊലീസ് സ്റ്റേഷനിലെ C l കെ.എ. എലിസബത്തിനെയാണ് തിരുവനന്തപുരം ആനയറയിലെ സുഹൃത്തിന്റെ വീട്ടിൽ നിന്ന് കണ്ടെത്തിയത്.എലിസബത്തിനെ തിരുവനന്തപുരം മെഡിക്കൽ കോളേജ് പോലീസ് സ്റ്റേഷനിൽ നിന്ന് വയനാട്ടിലേക്ക് കൊണ്ടുപോകും.
തിങ്കളാഴ്ച്ച രാവിലെ പാലക്കാട് സ്പെഷ്യൽ കോടതിയിലേക്ക് കോർട്ട് എവിഡൻസ് ഡ്യൂട്ടിക്കായി പോയ സി.ഐ എലിസബത്തിനെയാണ് തിങ്കളാഴ്ച വൈകീട്ട് 6.30 യോടെ കാണാതായത്. എന്നാൽ കോടതിയിലെത്താതായതോടെ പൊലീസ് അന്വേഷണമാരംഭിച്ചെങ്കിലും സി.ഐയുടെ സ്വകാര്യ ഫോൺ നമ്പറും ഒഫീഷ്യൽ നമ്പറും സ്വിച്ച് ഓഫ് ആയിരുന്നു.
കോഴിക്കോട്ടെ എ.ടി.എം കൗണ്ടറിൽ നിന്ന് തിങ്കളാഴ്ച രാത്രി പത്തുമണിയോടെ പണം എടുത്തശേഷം പാലക്കാടേക്ക് തിരിച്ച കയറിയതായി സ്ഥിരീകരിച്ചിരുന്നു. അവസാനമായി ഫോണിൽ സംസാരിച്ച വ്യക്തിയോട് താൻ കൽപറ്റയിലാണെന്നാണ് എലിസബത്ത് പറഞ്ഞത്. എന്നാൽ, പനമരം പൊലീസ് കൽപറ്റയിലെത്തി അന്വേഷിച്ചുവെങ്കിലും കണ്ടെത്തിയില്ല.
തുടർന്ന് കമ്പളക്കാട് സിഐയുടെ നേതൃത്വത്തിലുള്ള സംഘം പാലക്കാടെത്തി അന്വേഷണം നടത്തുന്നതിനിടെയാണ് സി ഐ യെ തിരുവനന്തപുരം ആനയറയിൽ സുഹൃത്തിന്റെ വീട്ടിൽ നിന്നാണ് ഇവരെ കണ്ടെത്തിയത്. ഇവർ റിട്ട. പോലീസുദ്യോഗസ്ഥയാണ്. ഇവർക്ക് തൊഴിൽ സമർദ്ധം നേരിട്ടതായും അതു കൊണ്ടാണ് പൊടുന്നനെ ഫോണുകൾ സ്വിച്ച് ഓഫ് സുഹൃത്തിന്റെ വീട്ടിലേക്ക് പോയതെന്നും ചില സഹപ്രവർത്തകരോട് പറഞ്ഞതായും സൂചനയുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...