രാഹുൽ ഗാന്ധിയെ മോഡിക്കു ഭയമെന്നു ഉമ്മൻ ചാണ്ടി; ഹെറാൾഡ് കേസ് കെട്ടിച്ചമച്ചത്
പ്രതിപക്ഷത്തെ ഇല്ലാതാക്കാൻ വേണ്ടി സോണിയ ഗാന്ധിയക്കും രാഹുൽ ഗാന്ധിയ്ക്കുമെതിരെ നരേന്ദ്ര മോദി കള്ളക്കേസുകളെടുക്കുകയാണ് എന്ന് ഉമ്മൻ ചാണ്ടി പറഞ്ഞു. എന്തു നടപടിയെടുത്താലും കോൺഗ്രസിന് ഭയമില്ല ഒരു രൂപയുടെ അഴിമതി പോലും ഹെറാൾഡ് കേസിൽ ഉണ്ടായിട്ടില്ല.
കോട്ടയം: രാഹുൽ ഗാന്ധിയെ മോദിക്ക് ഭയമെന്ന് ഉമ്മൻചാണ്ടി. ഹെറാൾഡ് കേസ് കെട്ടിച്ചമച്ച കേസ് ആണെന്നും മുതിർന്ന കോൺഗ്രസ് നേതാവ് ഉമ്മൻചാണ്ടി പറഞ്ഞു. കോൺഗ്രസിനും രാഹുൽ ഗാന്ധിയ്ക്കും എതിരെയുളള ബിജെപിയുടെ വേട്ടയാടൽ അവസാനിപ്പിക്കണമെന്നാവശ്യപ്പെട്ട് കോൺഗ്രസിന്‍റെ നേതൃത്വത്തിൽ മാർച്ചും ധർണ്ണയും നടത്തി. കോട്ടയം പോസ്റ്റോഫീസിനു മുൻപിൽ നടന്ന ധർണ മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്തു.
പ്രതിപക്ഷത്തെ ഇല്ലാതാക്കാൻ വേണ്ടി സോണിയ ഗാന്ധിയക്കും രാഹുൽ ഗാന്ധിയ്ക്കുമെതിരെ നരേന്ദ്ര മോദി കള്ളക്കേസുകളെടുക്കുകയാണ് എന്ന് ഉമ്മൻ ചാണ്ടി പറഞ്ഞു. എന്തു നടപടിയെടുത്താലും കോൺഗ്രസിന് ഭയമില്ല ഒരു രൂപയുടെ അഴിമതി പോലും ഹെറാൾഡ് കേസിൽ ഉണ്ടായിട്ടില്ല. അവസാനം നരേന്ദ്ര മോഡി നാണിച്ചു തലകുനിയ്ക്കേണ്ടി വരുമെന്നും ഉമ്മൻ ചാണ്ടി പറഞ്ഞു.
മുൻമന്ത്രിമാരായ തിരുവഞ്ചൂർ രാധാകൃഷ്ണൻ , കെസി ജോസഫ്, കെപിസിസി ഭാരവാഹികളായ ജോസി സെബാസ്റ്റ്യൻ ഡോ. പിആർ സോന, ഫിലിപ്പ് ജോസഫ്, മുൻ ഡി സി സി പ്രസിഡന്‍റ്മാരായ ടോമി കല്ലാനി, ജോണി ഫിലിപ്പ്, ഡിസിസി പ്രസിഡന്റ് നാട്ടകം സുരേഷ് മറ്റു ജില്ലാ ഭാരവാഹികളും പങ്കെടുത്തു. ഗാന്ധി സ്കയറിൽ നിന്ന് ആരംഭിച്ച മാർച്ച് നഗരം ചുറ്റി ഹെഡ് പോസ്റ്റ് ഓഫീസിനു മുൻപിൻ എത്തിയ ശേഷമായിരുന്നു പ്രതിഷേധ ധർണ്ണ നടന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...