P.V Anwar: സർക്കാരിനെതിരെ പോലീസിൽ ​ഗൂഢാലോചന നടന്നു; എഡിജിപിക്കെതിരെ വീണ്ടും ​ഗുരുതര ആരോപണവുമായി പി.വി അൻവർ

പോലീസിൽ ​ഗൂഢാലോചന ആരോപിച്ച് പിവി അൻവർ. സർക്കാരിനെതിരെ പോലീസിൽ ​ഗൂഢാലോചന നടന്നുവെന്ന് പിവി അൻവർ എംഎൽഎ. ​ഗൂഢാലോചനയിൽ എഡിജിപി അജിത് കുമാറിന് പങ്കെന്നും പിവി അൻവർ. സർക്കാരിനെ പ്രതിസന്ധിയിലാക്കാൻ ശ്രമം.

മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശിക്കെതിരെയും ​ഗുരുതര വെളിപ്പെടുത്തൽ. ആർഎസ്എസ്-എഡിജിപി ചർച്ചയുടെ ഇന്റലിജൻസ് റിപ്പോർട്ട് പൂഴ്ത്തി. ഈ റിപ്പോർട്ട് മുഖ്യമന്ത്രി കണ്ടിട്ടില്ല. സ്പെഷ്യൽ ബ്രാഞ്ച് അന്വേഷിക്കുമ്പോഴാണ് മുഖ്യമന്ത്രി അറിയുന്നത്. ആശ്രമം കത്തിച്ച കേസിൽ സർക്കാരിനെ പ്രതിരോധത്തിലാക്കാൻ പ്രതികളെ രക്ഷപ്പെടുത്താൻ നടത്തിയ വളരെ ബുദ്ധിപരമായ നീക്കമാണ്.

അതിന് ശേഷം മുഖ്യമന്ത്രി നേരിട്ട് ഇടപെട്ട് മറ്റൊരു അന്വേഷണം സംഘത്തെ നിയോ​ഗിച്ച് പ്രതികളായ ആർഎസ്എസുകാരെ നിയമത്തിന് മുൻപിൽ കൊണ്ടുവന്നു. വിശ്വസിച്ചവർ ചതിച്ചാൽ ആർക്കും ഒന്നും ചെയ്യാൻ കഴിയില്ല. മുഖ്യമന്ത്രി വിശ്വസിച്ചവർ അദ്ദേഹത്തെ ചതിച്ചിട്ടുണ്ടോയെന്ന് അദ്ദേഹം പരിശോധിക്കുകയാണ്. മുഖ്യമന്ത്രിക്ക് ഇക്കാര്യത്തിൽ പരിപൂർണ ബോധ്യം വരുന്നതോടെ ഇക്കാര്യത്തിൽ ഒരു തീരുമാനം ഉണ്ടാകുമെന്ന് പ്രതീക്ഷിക്കുന്നുവെന്നും പിവി അൻവർ പറഞ്ഞു.