Professor Tj Joseph | ആക്രമിക്കാൻ നിർദ്ദേശിച്ചവർ ഇപ്പോഴും എവിടെയോ; പ്രതിയെ പിടിച്ചതിൽ കൗതുകമില്ലെന്ന് ടിജെ ജോസഫ്

തൊടുപുഴ: ഇര എന്ന നിലയിൽ പ്രതിയെ പിടിച്ചതിൽ കൗതുകമില്ലെന്ന് പ്രൊഫസർ ടിജെ ജോസഫ്. പൗരൻ എന്ന നിലയിൽ പതിമൂന്ന് വർഷത്തിന് ശേഷം പ്രതിയെ പിടികൂടിയതിൽ അഭിമാനമുണ്ടെന്നും ടിജെ ജോസഫ് പറഞ്ഞു. കൃത്യത്തിൽ നേരിട്ട് പങ്കെടുത്തവർ മാത്രമാണ് പിടിയിലായത്. കൃത്യത്തിൽ നേരിട്ട് പങ്കെടുത്തവർ മാത്രമാണ് പിടിയിലായത്.  തന്നെ ആക്രമിക്കാൻ നിർദ്ദേശിച്ചവർ ഇപ്പോഴും എവിടെയോയാണ്. അവരിലേക്ക് എത്താൻ നിയമസംവിധാനത്തിന് ആകില്ല. ഇപ്പോഴും മതങ്ങൾക്ക് ഒക്കെ സ്വാധീനമുള്ള ഭരണ സംവിധാനമാണ് നമുക്ക് ഉള്ളത്. പ്രതികൾ ശിക്ഷിക്കപ്പെട്ടു എന്ന് കരുതി ഇരയ്ക് നീതി ലഭിക്കണമെന്നില്ല. 

2010ൽ സംഭവം നടന്ന 13 വർഷങ്ങൾക്ക് ശേഷമാണ് ഒന്നാം പ്രതിയായ സവാദിനെ പിടികൂടുന്നത്. പോപ്പുലർ ഫ്രണ്ട് പ്രവർത്തകനായ സവാദിനെ കണ്ണൂരിൽ നിന്നും ദേശീയ അന്വേഷണ ഏജൻസി (എൻഐഎ) അറസ്റ്റ് ചെയ്തുയെന്നാണ് റിപ്പോർട്ട്. നേരത്തെ സവാദിനെ കണ്ടെത്തുന്നവർക്ക് എൻഐഎ പാരിതോഷികം പ്രഖ്യാപിച്ചിരുന്നു.

കേസിൽ ഈ കഴിഞ്ഞ ജൂലൈയിലായിരുന്നു എൻഐഎ കോടതിയുടെ വിധി വന്നത്. കേസിലെ മൂന്ന് പ്രതികൾക്ക് കൊച്ചി എൻഐഎ കോടതി ജീവപരന്ത്യം ശിക്ഷ വിധിച്ചു. വധശ്രമം,ഭീകരപ്രവർത്തനം, ഗൂഢാലോചന എന്നി കുറ്റകൃത്യങ്ങൾക്കാണ് കോടതി ജീവപരന്ത്യം ശിക്ഷ വിധിച്ചത്