ബിഷപ്പിനെ 11 മണിക്ക് ചോദ്യം ചെയ്യും: കോട്ടയം എസ് പി
കന്യാസ്ത്രീ പീഡനവുമായി ബന്ധപ്പെട്ട പരാതിയില്‍ ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ ഇന്ന് 11 മണിക്ക് ചോദ്യം ചെയ്യുമെന്ന് കോട്ടയം എസ് പി അറിയിച്ചു.
കൊച്ചി: കന്യാസ്ത്രീ പീഡനവുമായി ബന്ധപ്പെട്ട പരാതിയില്‍ ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ ഇന്ന് 11 മണിക്ക് ചോദ്യം ചെയ്യുമെന്ന് കോട്ടയം എസ് പി അറിയിച്ചു.
തൃപ്പൂണിത്തുറ ബ്രാഞ്ച് ഓഫീസില്‍ വെച്ചാണ് ബിഷപ്പിനെ ചോദ്യം ചെയ്യുക. ഐജി ഉള്‍പ്പെടെയുള്ള ഉന്നതരുടെ സാന്നിധ്യത്തിലാണ് ചോദ്യംചെയ്യല്‍ നടക്കുക. ചോദ്യം ചെയ്യലിന് മുന്നോടിയായി ഇപ്പോള്‍ അന്വേഷണ ഉദ്യോഗസ്ഥര്‍ ചര്‍ച്ചയിലാണ്.
ചോദ്യം ചെയ്യലിനായി വിപുലമായ ചോദ്യാവലിയാണ് അന്വേഷണ സംഘം തയ്യാറാക്കിയിരിക്കുന്നത്.
ഹൈടെക് മുറിയിലാകും ചോദ്യംചെയ്യല്‍ നടക്കുക. ഇന്നലെ രാത്രിയാണ് ചോദ്യംചെയ്യല്‍ തൃപ്പൂണിത്തുറയിലാക്കാന്‍ തീരുമാനിച്ചത്. കൂടാതെ, വൈക്കം, ഏറ്റുമാനൂര്‍, കോട്ടയം എന്നിവിടങ്ങളിലും ചോദ്യംചെയ്യലിന് സൗകര്യം ഒരുക്കിയിട്ടുണ്ട്. തൃപ്പൂണിത്തുറയില്‍ എന്തെങ്കിലും അസൗകര്യം നേരിട്ടാല്‍ നേരിട്ടാല്‍ മറ്റേതെങ്കിലും സ്ഥല൦ തിരഞ്ഞെടുക്കാനാണ് പദ്ധതി.
കന്യാസ്ത്രീ നല്‍കിയ പീഡന പരാതിയില്‍ അന്വേഷണ സംഘത്തിന് മുമ്പില്‍ ഹാജരാകണമെന്ന നോട്ടീസ് ജലന്ധര്‍ ബിഷപ്പ് ഫ്രാങ്കോ മുളയ്ക്കല്‍ വെള്ളിയാഴ്ച കൈപ്പറ്റിയിരുന്നു. തുടര്‍ന്നാണ് അദ്ദേഹം സ്ഥാനമൊഴിഞ്ഞത്.