R Bindu about Jassie gift: ”ക്ഷണിച്ച്‌ വരുത്തി അപമാനിക്കരുത് ”; ജാസി ഗിഫ്റ്റിന്റെ ദുരനുഭവത്തില്‍ ഖേദം പ്രകടിപ്പിച്ച് ആർ ബിന്ദു

തിരുവനന്തപുരം: സെന്റ് പീറ്റേർസ് കോളേജിൽ പരിപാടി അവതരിപ്പിക്കുന്നതിനിടയിൽ ഗായകൻ ജാസി​ഗിഫ്ററ് അപമാനിതനായ സംഭവത്തിൽ ഖേദം പ്രകടിപ്പിച്ച് ഉന്നത വിദ്യാഭ്യസ വകുപ്പ് മന്ത്രി ആർ ബിന്ദു. ഫേസ്ബുക്കിലൂടെയാണ് ആർ ബിന്ദു ഖേദം പ്രകടിപ്പിച്ചിരിക്കുന്നത്. കലാകാരന്മാരേയും സാംസ്കാരിക നായകരേയും ക്ഷണിച്ചുവരുത്തി അപമാനിക്കുന്നത് ഒരു കലാലയത്തിന് ഒട്ടും ഭൂഷണമല്ല.മലയാള​ഗാനശാഖയിൽ നൂതനമായ ഒരു ധാരയ്ക്ക് രൂപം കൊടുത്ത ജാസി ​ഗിഫ്റ്റ് എന്ന അനു​ഗ്രഹീത കലാകാരന് ഉണ്ടായ ദുരനുഭവത്തിൽ ഖേദം പ്രകടിപ്പിക്കുന്നുവെന്നാണ് ആർ ബിന്ദു ഫേസ്ബുക്കിലൂ‍ടെ കുറിച്ചിരിക്കുന്നത്. 

മന്ത്രി ബിന്ദുവിന്റെ ഫേസ്ബുക്ക് പോസ്റ്റ് ഇങ്ങനെ

കലാകാരന്മാരെയും സാംസ്കാരിക നായകരേയും മറ്റും ക്ഷണിച്ചുവരുത്തി അപമാനിക്കുന്നത് ഒരു കലാലയത്തിനും ഭൂഷണമല്ല. മലയാളഗാനശാഖയിൽ നൂതനമായ ഒരു ധാരയ്ക്ക് രൂപം കൊടുത്ത ജാസി ഗിഫ്റ്റ് എന്ന അനുഗൃഹീത കലാകാരന് ഉണ്ടായ ദുരനുഭവത്തിൽ ഖേദം രേഖപ്പെടുത്തുന്നു.....

എറണാകുളം ജില്ലയിലെ സെന്റ് പീറ്റേർസ് കോളേജിൽ വ്യാഴാഴ്ച്ചയാണ് സംഭവം ഉണ്ടായത്. വേദിയിൽ ജാസി​ഗിഫ്റ്റും സംഘവും പരിപാടി അവതരിപ്പിക്കുന്നതിനിടയിൽ പ്രിൻസിപ്പൽ ബിനുജ വേദയിലെത്തി മൈക്ക് പിടിച്ചു വാങ്ങിക്കുകയായിരുന്നു. സംഭവത്തിൽ പ്രതിഷധിച്ച ജാസി ​ഗിഫ്റ്റ് വേദി വിടുകയായിരുന്നു. കോളേജ് ഡേയക്ക് അതിഥിയായി ക്ഷണിച്ചതായിരുന്നു ജാസി ​ഗിഫ്റ്റിനെ. ​

ഗായകൻ സജിൻ കോലഞ്ചേരിയുമുണ്ടായിരുന്നു ഒപ്പം. പാടാനുള്ള അനുമതി ജാസി ​ഗിഫ്റ്റിന് മാത്രമേ ഉള്ളൂ എന്നാണ് സംഭവത്തിൽ പ്രിൻസിപ്പളിന്റെ പ്രതികരണം. ഒപ്പം ഉണ്ടായി ആൾ പാടിയതിനാലാണ് മൈക്ക് വാങ്ങിയതെന്നാണ് അദ്ധ്യാപിക കൂടിയായ പ്രിൻസിപ്പാൾ ബിനുജ പറഞ്ഞത്.