പാണക്കാട് തങ്ങൾമാർക്ക് മുന്നറിയിപ്പുമായി സമസ്ത
പാണക്കാട് സയിദ് റഷീദ് അലി ശിഹാബ് തങ്ങള്‍ക്കും സയിദ് മുനവറലി ശിഹാബ് തങ്ങള്‍ക്കും വീണ്ടും സമസ്തയുടെ മുന്നറിയിപ്പ്. മുജാഹിദ്-ജമാഅത്തെ ഇസ്ലാമി പരിപാടികളിൽ പങ്കെടുക്കരുതെന്ന നിലപാടിൽ സമസ്തയ്ക്ക് മാറ്റമില്ലെന്നും മുജാഹിദ് പരിപാടികളിൽ പങ്കെടുത്താൽ സംഘടനയിൽ ഉണ്ടാവില്ലെന്നുമാണ് തങ്ങള്‍മാര്‍ക്ക് സമസ്തയുടെ മുന്നറിയിപ്പ്.
കോഴിക്കോട്: പാണക്കാട് സയിദ് റഷീദ് അലി ശിഹാബ് തങ്ങള്‍ക്കും സയിദ് മുനവറലി ശിഹാബ് തങ്ങള്‍ക്കും വീണ്ടും സമസ്തയുടെ മുന്നറിയിപ്പ്. മുജാഹിദ്-ജമാഅത്തെ ഇസ്ലാമി പരിപാടികളിൽ പങ്കെടുക്കരുതെന്ന നിലപാടിൽ സമസ്തയ്ക്ക് മാറ്റമില്ലെന്നും മുജാഹിദ് പരിപാടികളിൽ പങ്കെടുത്താൽ സംഘടനയിൽ ഉണ്ടാവില്ലെന്നുമാണ് തങ്ങള്‍മാര്‍ക്ക് സമസ്തയുടെ മുന്നറിയിപ്പ്.
സമസ്ത കേരള ജംഇയ്യത്തുല്‍ ഉലമായുടെ പ്രഖ്യാപിത നിലപാടില്‍ യാതൊരു മാറ്റവുമില്ലെന്ന് പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍ അറിയിച്ചു.
മുജാഹിദ് സമ്മേളനത്തില്‍ പങ്കെടുക്കരുതെന്ന് സമസ്ത മത നേതൃത്വത്തിന്‍റെ വിലക്കുണ്ടായിട്ടും പാണക്കാട് തങ്ങള്‍ കുടുംബത്തിലെ പ്രധാനികള്‍ പങ്കെടുത്തത് നേരത്തെയും വിവാദമായിരുന്നു.