Kuthiran Tunnel: കുതിരാൻ രണ്ടാംടണലും ഉടൻ തുറന്ന് കൊടുക്കും-മന്ത്രിമാരുടെ ഉറപ്പ്
നിലവിൽ പാലക്കാട് നിന്ന് തൃശൂർ ഭാഗത്തേക്കുള്ള ഒരു ടണലാണ് ഗതാഗതയോഗ്യമാക്കി ദേശീയപാത അതോറിറ്റി ശനിയാഴ്ച തുറന്ന് കൊടുത്തത്.
Thrissur: കുതിരാനിലെ രണ്ടാം തുരങ്കവും ഉടൻ തുറന്ന് കൊടുക്കും. രണ്ടാം ടണൽ സമയബന്ധിതമായി ഗതാഗതയോഗ്യമാക്കാൻ സംസ്ഥാനസർക്കാരിന്റെ എല്ലാ ഇടപെടലും പിന്തുണയും ഉണ്ടാകുമെന്ന് മന്ത്രിമാർ ഉറപ്പുനൽകി.
നിലവിൽ പാലക്കാട് നിന്ന് തൃശൂർ ഭാഗത്തേക്കുള്ള ഒരു ടണലാണ് ഗതാഗതയോഗ്യമാക്കി ദേശീയപാത അതോറിറ്റി ശനിയാഴ്ച തുറന്ന് കൊടുത്തത്. തൃശൂരിൽനിന്ന് പാലക്കാട്ടേക്ക് നിലവിലുള്ള പഴയ വഴി തന്നെയാകും വാഹനങ്ങൾ കടത്തിവിടുക. തുരങ്കം തുറക്കുന്നതുമായി ബന്ധപ്പെട്ട് ആവശ്യമായ ക്രമീകരണങ്ങൾ ഒരുക്കാൻ ജില്ലാ കളക്ടർക്കും ജില്ലാ പോലീസ് മേധാവിക്കും നിർദേശം നൽകിയിട്ടുണ്ട്.
രണ്ടാമത്തെ തുരങ്കം എത്രയും വേഗം പൂർത്തിയാക്കാൻ സംസ്ഥാനസർക്കാർ എല്ലാതരത്തിലും കേന്ദ്രസർക്കാരുമായും ദേശീയപാത അതോറിറ്റിയുമായും സഹകരിച്ച് പ്രവർത്തിക്കും. ജനങ്ങളുടെ യാത്രാക്ലേശം പരിഹരിച്ച് റോഡ് എത്രയും പെട്ടെന്ന് സഞ്ചാരയോഗ്യമാക്കുകയെന്നതാണ് മുഖ്യപരിഗണന. സമയബന്ധിതമായി പണി പൂർത്തിയാക്കാൻ യോഗം വിളിക്കും. പാതയുടെ ഔദ്യോഗിക ഉദ്ഘാടനം പണി പൂർത്തിയായതിനുശേഷം ആലോചിക്കുമെന്നും മന്ത്രിമാർ പറഞ്ഞു.
ഒരു തുരങ്കം തുറന്നതുകൊണ്ടുമാത്രം ടോൾ പിരിക്കാൻ അനുവദിക്കില്ലെന്നും തുരങ്കപാതയുടെ പണി പൂർത്തിയായശേഷമേ അതിനുള്ള നടപടി ആരംഭിക്കാവൂവെന്ന് മന്ത്രിമാരായ മുഹമ്മദ് റിയാസും കെ. രാജനും ആവശ്യപ്പെട്ടു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.