Thrissure: തൃശൂർ പൊലീസ് അക്കാദമിയിൽ എസ്‌ഐയെ മരിച്ച നിലയിൽ കണ്ടെത്തി

തൃശ്ശൂർ: തൃശൂർ പൊലീസ് അക്കാദമിയിൽ എസ്‌ഐയെ മരിച്ച നിലയിൽ കണ്ടെത്തി. അക്കാദമിയിലെ ട്രെയിനറായ എസ്ഐ ജിമ്മി ജോർജ് ആണ് മരിച്ചത്. ഇയാളെ അക്കാദമിയിലെ പഴയ ആശുപത്രി ബ്ലോക്കിൽ മരിച്ച നിലയിൽ കണ്ടെത്തിയത്. സാമ്പത്തിക പ്രശ്നങ്ങൾമൂലം  ആത്മഹത്യ ചെയ്തതെന്ന് പ്രാഥമിക നിഗമനം. വിവാഹിതനും മൂന്ന്‌ കുട്ടികളുടെ പിതാവുമാണ് വെള്ളാങ്ങല്ലൂർ അരിപ്പാലം സ്വദേശിയായ ജിമ്മി ജോർജ്.

കടപ്പുറം പഞ്ചായത്തിലെ കാരേക്കടവ് പാലം റോഡ് നിരന്തരമായി വെള്ളക്കെട്ടിൽ. മഴയിൽ വെള്ളക്കെട്ട് ഒഴിയാതെ നാട്ടുകാർ ദുരിതത്തിൽ.  

കടപ്പുറം- ഒരുമനയൂർ പഞ്ചായത്തുകളെ ബന്ധിപ്പിക്കുന്ന റോഡാണിത്. ദേശീയപാത 66 ലേക്ക് എളുപ്പം ഈ വഴി കടക്കാം. എല്ലാ മഴക്കാലത്തും സ്ഥിരം ഈ റോഡിൽ വെള്ളക്കെട്ടാണ്.ദിനംപ്രതി നിരവധി വാഹനങ്ങളാണ് ഇതുവഴി കടന്നു പോകുക. റോഡിൽ വലിയ കുഴികൾ തന്നെ രൂപപ്പെട്ടിട്ടുണ്ട്.  വെള്ളക്കെട്ട് ആയതിനാൽ പല വാഹനങ്ങളും കുഴിയിൽ വീണ് അപകടത്തിൽ പെടാറുണ്ട്. സ്കൂൾ വിദ്യാർത്ഥികൾ ഉൾപ്പെടെയുള്ള കാൽനടയാത്രക്കാർ ചുമര് ചാരി  വളരെ പ്രയാസപ്പെട്ടാണ് ഇതുവഴി പോവുക. 

പ്രശ്നം പരിഹരിക്കുന്നതിനായി പരിസരവാസികളുടെ നേതൃത്വത്തിൽ ഒപ്പ് ശേഖരണവും നടത്തിയിട്ടുണ്ട്. പഞ്ചായത്ത് അധികൃതരെയും വില്ലേജ് അധികൃതരെയും വിവരമറിയിച്ചിട്ടുണ്ട്.എന്നാൽ ഇതുവരെ യാതൊരു  പരിഹാരവും ഉണ്ടായിട്ടില്ല. പരിസരപ്രദേശങ്ങളിൽ നിന്നും  മറ്റുമെല്ലാം ഈ ഭാഗത്തേക്കാണ് വെള്ളം ഒഴുകിയെത്തുന്നത്. എന്നാൽ വെള്ളം  ഒഴുകിപ്പോകാതെ ഇവിടെ കെട്ടിക്കിടക്കുന്ന അവസ്ഥയാണ്.കാന നിർമിക്കണം എന്നാണ് നാട്ടുകാരുടെ ആവശ്യം. ജനങ്ങളുടെ ദുരിതം തിരിച്ചറിഞ്ഞ്  അധികൃതർ എത്രയും പെട്ടെന്ന്   ഉചിതമായ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.