Suresh Gopi: ദുർഭരണത്തിന് ചങ്ങലപ്പൂട്ടിടണം!, സമ്പാദിക്കുന്നതിന്റെ ഒരു വിഹിതം ജനങ്ങൾക്ക് നൽകും’; സുരേഷ് ഗോപി

തിരുവനന്തപുരം: കേരളത്തിന്റെ ദുർഭരണങ്ങൾക്ക് ചങ്ങല പൂട്ട് ഇടുന്ന തരത്തിൽ അടുത്ത തിരഞ്ഞെടുപ്പിൽ സീറ്റുകൾ നേടണമെന്ന് കേന്ദ്രമന്ത്രി സുരേഷ് ഗോപി. കേരളത്തിലെ ജനങ്ങളുടെ ആഗ്രഹം സഫലീകരിച്ച ലോകസഭ മണ്ഡലമാണ് തൃശൂർ, വരുന്ന തെരഞ്ഞെടുപ്പിൽ നമുക്ക് കിട്ടുന്ന റിസൾട്ട് ആണ് നമ്മുടെ ഉത്തേജക മരുന്നെന്നും സുരേഷ് ​ഗോപി പറഞ്ഞു. ജനങ്ങൾക്ക് ലഭിക്കേണ്ട തടസ്സങ്ങൾക്ക് തടസ്സം നിൽക്കുന്ന ഒരു കുത്തിത്തിരിപ്പിനും വളം കൊടുക്കരുതെന്നും അത് നുള്ളി എടുത്ത് കളയേണ്ടതാണെന്നും സുരേഷ് ​ഗോപി പ്രതികരിച്ചു. 

 ഇനിയുള്ള 2 വർഷവും നടത്തേണ്ടത് അടുത്ത നിയമസഭ തെരഞ്ഞെടുപ്പിനുള്ള തയ്യാറെടുപ്പായിരിക്കണം. സ്ഥാനാർത്ഥികളെ ജനങ്ങൾ നമ്മളെ ഭരണം ഏൽപ്പിക്കുന്നതിലേക്ക് എത്തിക്കുന്ന രീതിയിൽ പരുവപ്പെടുത്തണം. ഒരു പാർലമെന്റെറിയനായി തെരഞ്ഞെടുത്താൽ നിയമങ്ങൾ അനുസരിക്കണം. ഒരുപാട് നല്ല കാര്യങ്ങൾ ചെയ്യാനുണ്ടെന്നും സുരേഷ് ​ഗോപി കൂട്ടിച്ചേർത്തു. കൂടാതെ സിനിമാജീവിതം തുടരുമെന്നും  രാഷ്ട്രീയത്തിൽ നിന്ന്  ചുരണ്ടാൻ നിൽക്കില്ലെന്നും അദ്ദേഹം വ്യക്തമാക്കി. സിനിമ ചെയ്ത് ഉണ്ടാക്കുന്ന സമ്പാദ്യത്തിൽ നിന്നും ഒരു വിഹിതം ജനങ്ങൾക്ക് നൽകുമെന്നും സുരേഷ് ഗോപി കൂട്ടിച്ചേർത്തു.