Karate Practice | ഇടിച്ച് നേടാനല്ല, ജീവിതം വിജയിച്ച് കാണിക്കാൻ- കുഞ്ചിത്തണ്ണിയിൽ വീട്ടമ്മമാർക്ക് കരാട്ടെ

ഇടുക്കി: കുഞ്ചിത്തണ്ണിയില്‍ വീട്ടമ്മമാര്‍ക്കായി ഒരുക്കിയ കരാട്ടെ പരിശീലനം ശ്രദ്ധേയമാകുന്നു. കുടുംബശ്രീയുടെ ധീരം പദ്ധതിയുടെ ഭാഗമായാണ് പരിപാടി സംഘടിപ്പിക്കുന്നത്. ആറ് വര്‍ഷമായി പരിശീലന രംഗത്തുള്ള പ്രിൻസിയാണ് പരിശീലക. 

ഇടിച്ചു നേടാനല്ല, മറിച്ച് ജീവിതത്തില്‍ ജയിച്ചു കയറാനാണ് കുഞ്ചിത്തണ്ണിയില്‍ ഒരുകൂട്ടം വീട്ടമ്മമാർ കരാട്ടെ പരിശീലിക്കുന്നത്. ഒരു വർഷമായി ഇവർ ഇതിനു പിന്നാലെ തന്നെയാണ്. 20 ഓളം പേര്‍ക്ക് വിവിധ ദിവസങ്ങളിലായാണ് പരിശീലനം നല്‍കുന്നത്. ചെറുപ്പത്തിലെ പ്രതിരോധ മുറകള്‍ പരിശീലിച്ച് കൊച്ചു കുട്ടികളും ഇവര്‍ക്കൊപ്പമുണ്ട്. ആറ് വര്‍ഷമായി പരിശീലന രംഗത്തുള്ള പ്രിൻസിയാണ് പരിശീലക. 

അപ്രതീക്ഷിത ആക്രമണങ്ങള്‍ നേരിടാനുള്ള പ്രതിരോധ മുറകളൊക്കെയും ഇവർ പരിശീലിച്ചു കഴിഞ്ഞു. തുടര്‍ച്ചയായ പരിശീലനത്തിലൂടെ മനസും കൂടുതല്‍ കരുത്താര്‍ജ്ജിച്ചെന്നാണ് ഈ വീട്ടമ്മമാര്‍ പറയുന്നത്. ക്ക് ബെല്‍റ്റ് നേടി മികവ് തെളിയിക്കുന്നതിനോ എതിരാളിയെ ഇടിച്ച് നിലംപരിശാക്കുന്നതിനോ അല്ല ഇവരുടെ പരിശീലനം. പകരം സുരക്ഷിതരായിരിക്കാനുള്ള മുൻകരുതലെന്ന നിലയ്ക്കാണ്. ഒപ്പം സ്വയം കരുത്താര്‍ജ്ജിക്കാനും.