Lok Sabha Election 2024: ജീവന് സംരക്ഷണം നൽകുവാൻ കഴിയുന്നവർക്ക് വോട്ട്; വിജയപുരം രൂപതാ സഹായ മെത്രാൻ

മൂന്നാർ: മനസാക്ഷി അനുസരിച്ച് നമ്മുടെ ജീവന് സംരക്ഷണം നൽകുവാൻ കഴിയുന്ന, നമ്മുടെ നാടിനെ സംരക്ഷിക്കുവാൻ കഴിയുന്ന, നമ്മെ ഉയർത്താൻ കഴിയുന്നവർക്ക് ഇത്തവണ വോട്ട് നൽകണമെന്ന് വിജയപുരം രൂപതാ സഹായ മെത്രാൻ  ജസ്റ്റിൻ മഠത്തിൽപറമ്പിൽ. വന്യജീവി ആക്രമണത്തിന് ശാശ്വത പരിഹാരം കാണണമെന്ന് ആവശ്യപ്പെട്ട് വിജയപുരം രൂപത നടത്തുന്ന ജനരക്ഷാ ജാഗരണ സംരക്ഷണ സമ്മേളനം ഇടുക്കി മൂന്നാറിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം

വനം സംരക്ഷിക്കുന്നതിനും വന്യജീവികളെ സംരഷിക്കുന്നതിനും നിയമം ഉള്ളപ്പോൾ ജനങ്ങളെ സംരക്ഷിക്കാൻ നിയമമില്ലാത്ത അവസ്ഥയാണ് സംസ്ഥാനത്ത് ഉള്ളതെന്നും ബിഷപ് പറഞ്ഞു. വന്യജീവി ആക്രമണം അതിരൂക്ഷമായി തുടരുകയും കഴിഞ്ഞ ദിവസം ഓട്ടോ ഡ്രൈവറുടെ ജീവൻ കാട്ടാന ആക്രമണത്തിൽ കൊല്ലപ്പെടുകയും ചെയ്ത സാഹചര്യത്തിലാണ് വിജയപുരം രൂപതയുടെ കീഴിലെ വിവിധ വിവിധ ഇടവകകളുടെ സംയുക്ത നേതൃത്വത്തിൽ സമര പരിപാടികൾക്ക് തുടക്കം കുറിച്ചത് . 

പരിപാടിയുടെ ഭാഗമായി ജനരക്ഷാ ജാഗരണ റാലിയും പൊതുമ്മേളനവും മൂന്നാർ ടൗണിൽ നടന്നു. മൗണ്ട് കാർമ്മൽ ദേവാലയം വികാരി റവ. ഫാ. മൈക്കിൾ വലിയിഞ്ചിൽ അധ്യക്ഷയായിരുന്നു. മിസ്റ്റ് സാറക്ടർ ഫാ. ഫ്രാൻസിന് കബോളത്തുപറബിൽ, ജനപ്രതിനിധികൾ വിവിധ ഇടവകകളിലെ വൈദീകർ സിസ്റ്റർമാർ എന്നിവർ പങ്കെടുത്തു.