Wayanad Byelection 2024: കന്നിയങ്കത്തിൽ തന്നെ ജയം; പ്രിയങ്ക വയനാടിന് `പ്രിയങ്കരി`, രാഹുലിന്റെ ഭൂരിപക്ഷം മറികടന്നു
Wayanad Byelection 2024: 617942 വോട്ടുകളാണ് പ്രിയങ്ക നേടിയത്. എൽഡിഎഫിന്‍റെ സത്യൻ മോകേരി 209906 വോട്ടുകളും ബിജെപിയുടെ നവ്യ ഹരിദാസ് 109202 വോട്ടുകളും നേടി.
വയനാട്: വയനാട് ഉപതെരഞ്ഞെടുപ്പിൽ റെക്കോഡ് ഭൂരിപക്ഷവുമായി യുഡിഎഫ് സ്ഥാനാര്‍ത്ഥി പ്രിയങ്ക ഗാന്ധി ജയിച്ചു. വോട്ടെണ്ണലിന്‍റെ എല്ലാ റൗണ്ടിലും പ്രിയങ്ക ഗാന്ധി തന്നെയാണ് മുന്നേറിയത്. എതിരാളികൾക്ക് ഒരവസരത്തിൽ പോലും മറികടക്കാൻ സാധിക്കാത്ത ഭൂരിപക്ഷമാണ് ഓരോ റൗണ്ട് കഴിഞ്ഞപ്പോഴും പ്രിയങ്ക സ്വന്തമാക്കിയത്. 408036 വോട്ടുകളുടെ റെക്കോഡ് ഭൂരിപക്ഷത്തിലാണ് കന്നിയങ്കത്തിൽ പ്രിയങ്ക വിജയിച്ചത്. രാഹുൽ ഗാന്ധിയുടെ ഭൂരിപക്ഷവും മറികടന്നാണ് പ്രിയങ്കയുടെ മിന്നും ജയം.
മണ്ഡലത്തിൽ വോട്ടിങ് ശതമാനം കുറഞ്ഞത് പ്രിയങ്കയുടെ ഭൂരിപക്ഷത്തെ ബാധിക്കുമെന്ന പ്രചാരണം ഉണ്ടായിരുന്നെങ്കിലും വോട്ടെണ്ണൽ തുടങ്ങിയതോടെ തന്നെ പ്രിയങ്കയുടെ ഭൂരിപക്ഷം നാല് ലക്ഷം കടക്കുമെന്ന് വ്യക്തമായിരുന്നു. 2024ലെ ലോക്സഭ തെരഞ്ഞെടുപ്പിൽ 6,47,445 വോട്ടുകള്‍ നേടി 3,64,422 വോട്ടുകളുടെ ഭൂരിപക്ഷത്തിലാണ് രാഹുൽ ഗാന്ധി ജയം സ്വന്തമാക്കിയത്. ഈ റെക്കോഡ് ഭൂരിപക്ഷമാണ് പ്രിയങ്ക ഗാന്ധി മറികടന്നിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.