Wild Animal Attack : ഇരുചക്ര വാഹനത്തിൽ സഞ്ചരിക്കവെ കാട്ടുപന്നി വന്നിടിച്ചു; മധ്യവയസ്കന് ദാരുണാന്ത്യം

കൊല്ലം : പള്ളിക്കല്ലിൽ ഇരുചക്രവാഹനത്തിൽ സഞ്ചരിക്കവെ കാട്ടുപന്നി ഇടിച്ചുണ്ടായ അപകടത്തിൽ മധ്യവയസ്കൻ ദാരുണാന്ത്യം. പള്ളിക്കൽ സ്വദേശി പ്രസാദ് (50) ആണ് മരിച്ചത്. പള്ളിക്കൽ കാട്ടുപുതുശ്ശേരി ഫർണിച്ചർ കടയുടമയാണ് മരിച്ച പ്രസാദ്. കടയടിച്ച് വീട്ടിലേക്ക് തിരികെ വരുമ്പോഴായിരുന്നു അപകടം. 

ഇന്നലെ സെപ്റ്റംബർ 25 രാത്രിയിലാണ് അപകടം സംഭവിക്കുന്നത്. കടയടച്ച് വീട്ടിലേക്ക് വരുന്ന വഴിയാണ് പ്രസാദിന്റെ സഞ്ചരിച്ചിരുന്ന ഇരുചക്ര വാഹനത്തിൽ കാട്ടുപന്നി വന്നിടിക്കുന്നത്. അപകടത്തിൽ ഗുരുതരമായി പരിക്കേറ്റ പ്രദാസിനെ കൊല്ലം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും മരണപെടുകയായിരുന്നു.