Kalabhavan Haneef Death: നടൻ കലാഭവൻ ഹനീഫ് അന്തരിച്ചു

കൊച്ചി: സിനിമ മിമിക്രിതാരം കലാഭവൻ ഹനീഫ് (63) അന്തരിച്ചു.  ചെപ്പു കിലുക്കണ ചങ്ങാതിയിലൂടെയാണ് തുടക്കം. എറണാകുളത്തെ സ്വകാര്യ ആശുപത്രിയില്‍ വച്ചായിരുന്നു അന്ത്യം. ഏതാനും ദിവസങ്ങളായി ശ്വാസകോശ അണുബാധയെ തുടര്‍ന്ന് ചികിത്സയില്‍ ആയിരുന്നു അദ്ദേഹം.  സന്ദേശം മുതൽ അവസാനം എത്തിയ ജലധാര പമ്പ് സെറ്റ് വരെ മികച്ച വേഷങ്ങൾ ചെയ്ത താരമാണ്. പറക്കും തളികയിലെ അടക്കമുള്ള വേഷങ്ങൾ വളരെ അധികം ശ്രദ്ധിക്കപ്പെട്ടതാണ്.

മിന്നുകെട്ട് , നാദസ്വരം, തുടങ്ങിയ സീരിയലുകളിലും അദ്ദേഹം പ്രധാന വേഷങ്ങൾ ചെയ്തിട്ടുണ്ട്. അബീസ് കോർണർ, കോമഡിയും മിമിക്സും പിന്നെ ഞാനും, മനസ്സിലൊരു മഴവില്ല്, തിലാന തിലാന, തുടങ്ങിയ ഷോകളിലും ഹനീഫ് ഭാഗമായിരുന്നു. വാഹിദയാണ് ഭാര്യ. ഷാരൂഖ് ഹനീഫും സിത്താര ഹനീഫും രണ്ട് മക്കളുണ്ട്.