Actress Akanksha Dubey : നടി അകാൻക്ഷ ദൂബെ ഹോട്ടൽ മുറിയിൽ തൂങ്ങി മരിച്ച നിലയിൽ
Actress Akanksha Dubey Suicide : നടി തന്റെ ഇൻസ്റ്റഗ്രാം പേജിൽ ഏറ്റവും പുതിയ റീൽസ് പങ്കുവെച്ച് മണിക്കൂറുകൾക്കുള്ളിലാണ് ആത്മഹത്യ ചെയ്യുന്നത്
മുംബൈ : ഭോജ്പുരി നടി അകാൻക്ഷ ദുബെ ആത്മഹത്യ ചെയ്ത നിലയിൽ. ബനാറസിലെ ഹോട്ടൽ മുറിയിൽ നടിയെ തൂങ്ങി മരിച്ച നിലയിൽ കണ്ടെത്തുകയായിരുന്നു. ഉത്തർ പ്രദേശിലെ ബാദോഹി ജില്ലയിലെ പാർസിപൂർ സ്വദേശിനിയാണ് മരണപ്പെട്ട അകാൻക്ഷാ.
നായക് തന്റെ പുതിയ ചിത്രത്തിന്റെ ചിത്രീകരണത്തിനായി നടി ഇന്ന് ഞായറാഴ്ച സംഘത്തിനൊപ്പം ചേരാനിരിക്കെയാണ് താരം സ്വയം ജീവൻ അവസാനിപ്പിച്ചത്. രാവിലെ ഒമ്പത് മണിക്ക് മേക്കപ്പിനായി താരത്തെ ബന്ധപ്പെട്ടപ്പോൾ ഫോൺ എടുത്തില്ല. തുടർന്ന് നടത്തിയ പരിശോധനയിൽ നടിയെ ഹോട്ടൽ മുറിയിൽ തൂങ്ങി മരിച്ച നിലയിൽ കണ്ടെത്തുകയായിരുന്നു.
മരിക്കുന്നതിന് മണിക്കൂറുകൾക്ക് മുമ്പ് താരം തന്റെ ഇൻസ്റ്റഗ്രാമിൽ റീൽസും പങ്കുവെച്ചിരുന്നു. എന്നാൽ നടിയുടെ ആരാധകരെ ഒന്നടങ്കം സങ്കടത്തിലാഴ്ത്തുന്ന വാർത്തയാണ് ഇന്ന് രാവിലെ പുറത്ത് വന്നത്.
അടുത്തിടെയാണ് നടിയുടെ മിട്ടി എന്ന സിനിമയുടെ ചിത്രീകരണം പൂർത്തിയായത്. ഭോജ്പുരി ഗായകനും നടനുമായ യഷ് കുമാറാണ് ചിത്രത്തിലെ നായകൻ. ചിത്രത്തിൽ മറ്റൊരു ഭോജ്പുരി താരം രക്ഷ ഗുപ്തയും ചിത്രത്തിൽ പ്രധാന വേഷത്തിലെത്തുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...