തുളസിപോലെ ഔഷധ ഗുണമുള്ളത്... കഞ്ചാവ് നിയമ വിധേയമാക്കണമെന്ന് നടി

ബംഗളൂരു: ലഹരിമരുന്ന് മാഫിയയുമായി ബന്ധപ്പെട്ട കേസന്വേഷണം പുരോഗമിക്കുകയാണ്. ഇതിനിടെ കഞ്ചാവ് നിയമവിധേയമാക്കണമെന്ന ആവശ്യവുമായി രംഗത്തെത്തിയിരിക്കുകയാണ് കന്നഡ ചലച്ചിത്ര താരം നിവേദിത.

കഞ്ചാവ് ആയുര്‍വേദത്തിന്‍റെ നട്ടെല്ലാണ് കഞ്ചാവാണെന്നും 1985-ല്‍ നിയമവിരുദ്ധമാക്കും മുന്‍പ് ഒട്ടേറെ രോഗങ്ങള്‍ക്ക് ഔഷധമായി ഉപയോഗിച്ചിട്ടുണ്ടെന്നും താരം പറയുന്നു. തുളസിച്ചെടി പോലെ തന്നെ ഔഷധ ഗുണമുണ്ട് കഞ്ചാവിനെന്നും കഞ്ചാവ് നിരോധിച്ചതിന് പിന്നില്‍ ഗൂഡാലോചനയുണ്ടെന്നും താരം പറഞ്ഞു.

നാല്‍പതിലേറെ രാജ്യങ്ങളില്‍ കഞ്ചാവിന്റെ ഉപയോഗം നിയമവിധേയമാണെന്നും നിവേദിത പറഞ്ഞു. ഇത്തരമൊരു ആവശ്യവുമായി രംഗത്തെത്തിയ താരത്തിനെതിരെ സമൂഹ മാധ്യമങ്ങളില്‍ ട്രോളുകള്‍ നിറയുകയാണ്.