Actress Sithara: 51 ലും അവിവാഹിത; വിവാഹം കഴിക്കാത്തതിന്റെ കാരണം വ്യക്തമാക്കി നടി സിത്താര!

ഒരു കാലത്തെ മലയാളത്തിൻ്റെ ശാലീന സുന്ദരിയായി അറിയപ്പെട്ടിരുന്ന താരമാണ് സിത്താര.  മലയാളത്തിൽ മാത്രമല്ല അന്യഭാഷകളിലും സജീവമായിരുന്നു താരം. 

ചാണക്യൻ, നാടുവാഴികൾ, മഴവിൽക്കാവടി, വചനം, ഗുരു, ചമയം, തുടങ്ങിയ സൂപ്പർ ഹിറ്റ് ചിത്രങ്ങളിലൂടെ താരം ഏറെ ശ്രദ്ധിക്കപ്പെട്ടിരുന്നു. ഈ ചിത്രങ്ങളിൽ ഗംഭീര പ്രകടനമായിരുന്നു താരം കാഴ്ച വെച്ചതും. മലയാളത്തിൽ നായികയായും സഹനടിയായും നിരവധി ചിത്രങ്ങളിൽ താരം തിളങ്ങിയപ്പോൾ തെലുങ്കിൽ നിന്നും തമിഴിൽ നിന്നുമൊക്കെ നടിയെ തേടി നിരവധി അവസരങ്ങളെത്തുകയായിരുന്നു. 

തമിഴിലും തെലുങ്കിലും തിളങ്ങിയിരുന്ന താരത്തിന് നിരവധി ആരാധകരുണ്ടായിരുന്നു.  മലയാളത്തിൽ മോഹൻലാലിനോടൊപ്പവും തമിഴിൽ സ്റ്റൈൽമന്നൽ രജനീകാന്ത് അടക്കമുള്ള സൂപ്പർ താരങ്ങൾക്കൊപ്പം സിത്താര അഭിനയിച്ചിട്ടുണ്ട്. മികച്ച പ്രകടനം കാഴ്ച വെച്ചിരുന്ന സമയത്താണ് താരം സിനിമയിൽ നിന്നും ഇടവേള എടുത്തത് എങ്കിലും ഇടയ്ക്ക് താരം സിനിമയിലേക്ക് തന്നെ തിരികെ എത്തിയിരുന്നു.

അൻപത് വയസ്സ് കഴിഞ്ഞിട്ടും സിത്താര ഇപ്പോഴും അവിവാഹിതയാണ്. എന്തുകൊണ്ടാണ് താൻ ഇത്രയും നാളുകളായി വിവാഹിതയാകാത്തത് എന്ന ഒരു പ്രമുഖ തെലുങ്ക് മാധ്യമത്തിന്റെ ചോദ്യത്തിന് താരം നൽകിയ മറുപടി വീണ്ടും വൈറലാകുകയാണ്.  ചെറു പ്രായത്തിൽ വിവാഹിത ആകുന്നതിൽ തനിക്ക് ഒട്ടും താത്പര്യം ഇല്ലായിരുന്നുവെന്നും ആ തീരുമാനത്തിൽ തന്നെ ഞാൻ ഉറച്ചിരുന്നു എന്നും അച്ഛനുമായി താൻ അടുത്ത ബന്ധമാണ് പുലർത്തിയിരുന്നതെന്നും. അപ്രതീക്ഷിതമായുണ്ടായ അച്ഛൻ്റെ വിയോഗത്തിന് ശേഷം തനിക്ക് വിവാഹത്തിനൊന്നും താത്പര്യമുണ്ടായിരുന്നില്ലെന്നുമാണ്‌ താരം പറഞ്ഞത്.

ശേഷം ഒറ്റക്കുള്ള ജീവിതവുമായി താൻ പതുക്കെ പൊരുത്തപ്പെട്ടതായും അതിനാലാണ് വിവാഹം നടക്കാതെ പോയതെന്നാണ് നടി വ്യക്തമാക്കിയത്. എങ്കിലും തനിക്ക് നേരത്തേ ഒരു പ്രണയം ഉണ്ടായിരുന്നുവെന്ന് പറഞ്ഞ താരം അത് ആരാണെന്ന് വ്യക്തമാക്കാൻ തയ്യാറായിരുന്നില്ല.