ARM: `അജയന്റെ രണ്ടാം മോഷണം` കസറിയോ?

ബോക്സ് ഓഫീസ് മോഷ്ടിച്ച് അജയനും കൂട്ടരും. ഏറെ നാളത്തെ കാത്തിരിപ്പിന് ശേഷം ആരാധകർക്ക് ഓണസമ്മാനവുമായി ടൊവിനോ എത്തിയപ്പോൾ ചിത്രം വലിയ ആവേശമാണ് പ്രേക്ഷകരിലേക്ക് പകർന്നത്. 
ബ്രഹ്മാണ്ഢ ചിത്രം അജയൻ്റെ രണ്ടാം‌ മോഷണം തിറ്ററുകളിൽ എത്തി ആദ്യ ഷോ കഴിഞ്ഞതോടെ മികച്ച പ്രകടനമാണ് ലഭിക്കുന്നത്. 

ദൃശ്യ വിരുന്ന് എന്നാണ് പലരും ചിത്രത്തെ വിശേഷിപ്പിച്ചിരിക്കുന്നത്. ആദ്യ പകുതി ​ഗംഭീരമെന്ന് ഒരുകൂട്ടർ പറയുമ്പോൾ ആദ്യ പകുതിയെക്കാൾ രണ്ടാം പകുതി കസറി എന്നാണ് മറ്റ് പലരുടെയും അഭിപ്രായം. ബ്ലോക്ക് ബസ്റ്റർ ടാ​ഗ് നൽകുന്നവരും ഉണ്ട്. ടൊവിനോ തോമസിന്റ് ക്ലാസിക് പെർഫോമൻസ് എന്നാണ് ആരാധകരുടെ അഭിപ്രായം. ആഘോഷമാക്കാൻ ചില സർപ്രൈസുകളും സിനിമയിൽ ഉണ്ടെന്ന് ആരാധകർ പറയുന്നു.

മൂന്ന് കാലഘട്ടങ്ങളുടെ കഥ പറയുന്ന ചിത്രത്തിൽ മണിയൻ, അജയൻ, കുഞ്ഞികേളു എന്നീ പേരുകളിലുള്ള മൂന്ന് കഥാപാത്രങ്ങളെയാണ് ടൊവിനോ അവതരിപ്പിക്കുന്നത്. ജിക് ഫ്രെയിംസ്, യു.ജി.എം മോഷൻ പിക്ചേഴ്സ് എന്നീ ബാനറുകളിൽ ലിസ്റ്റിൻ സ്റ്റീഫൻ, ഡോ. സക്കറിയ തോമസ് എന്നിവർ ചേർന്നാണ് എആർഎം നിർമ്മിക്കുന്നത്. കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് ചിത്രത്തിൽ നായികമാരായി എത്തുന്നത്. തെലുങ്ക് ചിത്രങ്ങളിലൂടെ പ്രശസ്തി നേടിയ കൃതി ഷെട്ടിയുടെ ആദ്യ മലയാളം സിനിമ കൂടിയാണിത്.