Malayalam lulluby: റാഹയ്ക്കും പ്രിയം ഈ മലയാളം പാട്ടിനോട്; യൂട്യൂബിൽ വീണ്ടും തരംഗമായി മലയാളികളുടെ പ്രിയപ്പെട്ട താരാട്ട് പാട്ട്

ഹിന്ദിയിലെ ഒരു അഭിമുഖം. പക്ഷേ ​ഗുണമായതോ ഒരു മലയാള​ഗാനത്തിനും. സാന്ത്വനം എന്ന ചിത്രത്തിലെ ഉണ്ണി വാ വാ വോ എന്ന ​ഗാനം സോഷ്യൽ മീഡിയയിൽ വീണ്ടും തരം​ഗം സൃഷ്ടിച്ചിരിക്കുകയാണ്.

ദ ​ഗ്രേറ്റ് ഇന്ത്യൻ കപിൽ ശർമ ഷോയ്ക്കിടെ ബോളിവുഡ് താരം ആലിയ ഭട്ടാണ് ഉണ്ണി വാ വാ വോ എന്ന താരാട്ട് പാട്ടുമായുള്ള ബന്ധം പങ്കുവച്ചത്. മകൾ റാഹയെപറ്റിയുള്ള വിശേഷങ്ങൾ പങ്കുവയ്ക്കവെയായിരുന്നു താരാട്ട് പാട്ടിനെ പറ്റിയുള്ള പരാമർശം.

തന്റെ മകൾ റാ​ഹ ഉറങ്ങുന്നത് ഉണ്ണീ വാ വാ വോ എന്ന മലയാള ​ഗാനം കേട്ടുകൊണ്ടാണെന്നാണ് താരം പറഞ്ഞത്. 'റാഹയെ ഉറക്കാനായി അവളുടെ നഴ്സ് സ്ഥിരം ഉണ്ണി വാ വാ വോ എന്ന മലയാളം താരാട്ട് പാട്ടാണ് പാടിക്കൊടുക്കാറുള്ളത്. ഇടയ്ക്ക് ഞങ്ങളോട് മാമ വാവോ, പാപ്പാ വാവോ എന്ന് പറയും. അവൾക്ക് ഉറക്കം വരുന്നു എന്നുള്ളതിന്റെ സൂചനയാണത്. ഇപ്പോൾ ഞാനും രൺവീറും അവൾക്ക് വേണ്ടി ഈ പാട്ട് പഠിച്ചു' എന്നാണ് ആലിയ പറഞ്ഞത്.

താരത്തിന്റെ വാക്കുകൾ സോഷ്യൽ മീഡിയയിൽ വൈറലായതോടെ ഉണ്ണി വാ വാ വോ കേൾക്കാൻ യൂട്യൂബിലേക്ക് ആരാധകരുടെ തള്ളിക്കയറ്റമാണ്. ഒന്നരക്കോടി പേരാണ് ഇത് വരെ യൂട്യൂബിൽ ഗാനം കേട്ടത്. ഇത്രയും മനോഹരമായ ഗാനം പരിചയപ്പെടുത്തി തന്നതിന് താരദമ്പതികൾക്ക് നന്ദി പറഞ്ഞുകൊണ്ടും കമന്റുകൾ പ്രത്യക്ഷമായി.

 കപിൽ ശർമ അവതാരകനായെത്തുന്ന ദ ​ഗ്രേറ്റ് ഇന്ത്യൻ കപിൽ ശർമ ഷോ- സീസൺ 2ലെ ആദ്യ എപ്പിസോഡിലാണ് അതിഥിയായി ആലിയ ഭട്ട് എത്തിയത്. ജി​ഗ്ര എന്ന പുതിയ സിനിമയുടെ പ്രമോഷന്റെ ഭാ​ഗമായിട്ടായിരുന്നു താരം ഷോയിൽ പങ്കെടുത്തത്.