Alia-Ranbir Wedding : റൺബീറിനും ആലിയക്കും ആശംസകൾ നേർന്ന് അമൂൽ

കഴിഞ്ഞ ദിവസമായിരുന്നു ആരാധകർ കാത്തിരുന്ന റൺബീർ കപൂർ ആലിയ ഭട്ട് വിവാഹം. പാലി ഹിൽസിലെ റൺബീറിന്റെ വീട്ടിലായിരുന്നു വിവാഹാഘോഷ ചടങ്ങുകൾ . താരദമ്പതികൾക്ക് ആശംസകൾ നേർന്ന് അമുൽ പങ്കുവെച്ച ഡൂഡിൽ ഇപ്പോൾ സോഷ്യൽമീഡിയയിൽ ശ്രദ്ധ നേടുകയാണ് . 

'അമുൽ ടോപ്പിക്കൽ: ദി ആലിയ-റൺബീർ ഷാദി' എന്ന കുറുപ്പോടെയാണ് ഡൂഡിൾ ഷെയർ ചെയ്തിരിക്കുന്നത് . നവദമ്പതികൾക്കൊപ്പം നിൽക്കുന്ന അമുൽ പെൺകുട്ടിയുടെ സിഗ്നേച്ചർ ശൈലിയിൽ നിർമിച്ച ഡൂഡിലും ഉണ്ട് . താരദമ്പതികളുടെ കാർട്ടൂൺ പതിപ്പുകൾ വളരെ മനോഹരമായാണ് ചിത്രീകരിച്ചിരിക്കുന്നത് . അമൂൽ പെൺകുട്ടി നൽകുന്ന മധുരം നുകരുന്ന ദമ്പതികളാണ് ചിത്രത്തലുള്ളത് . ലക്ഷക്കണക്കിന് ലൈക്കുകളാണ് ഇതിനോടകം ചിത്രത്തിന് ലഭിച്ചിരിക്കുന്നത് . 

നവദമ്പതികളെ ആശംസകൾ കൊണ്ട് മൂടുകയാണ് ആരാധകർ. ഒരുമിച്ച് ആരാധകരെ അഭിവാദ്യം ചെയ്യുന്ന ചിത്രവും വൈറലാണ്. ബോളിവുഡ് ഏറെ കാത്തിരുന്ന താരവിവാഹം ആർഭാടപൂർവം നടന്നതിന്റ ചിത്രങ്ങളും സോഷ്യൽ മീഡിയ ഏറ്റെടുത്തു. 

പഞ്ചാബി ആചാരപ്രകാരമായിരുന്നു വിവാഹ ചടങ്ങുകൾ . ആലിയയെ കൈകളിൽ പിടിച്ച് റൺബീർ വിവാഹം ശേഷം മാധ്യമങ്ങൾക്ക് മുന്നിലെത്തിയത് . ആലിയയെ കൈകളിൽ എടുത്ത് നിൽക്കുന്ന ചിത്രവും വൈറലാണ്.

താരവിവാഹത്തിന് പിന്നാലെ റൺബീർ ആലിയ കൂട്ടുകെട്ടിൽ ഒരുങ്ങിയ ബ്രഹ്മാസ്ത്ര സിനിമ റിലീസിനായി തയ്യാറെടുക്കുകയാണ്. ഈ ചിത്രത്തിന്റെ ഷൂട്ടിങ് വേളിയിലാണ് ഇരുവരും തമ്മിൽ പ്രണയത്തിലാകുന്നത്.