Viral Video: കിച്ചുവേട്ടാ കൊല്ലരുത്..
ദുല്‍ഖര്‍ നിർമിക്കുന്ന ചിത്രത്തിൽ സംവിധാന സഹായിയായാണ് അനുപമയെത്തുന്നത്.
പ്രേമം എന്ന ഒറ്റ സിനിമയിലൂടെ മലയാളികളുടെ മനസിൽ ഇടം നേടിയ ചുരുളൻ മുടിക്കാരിയാണ് അനുപമ പരമേശ്വരൻ.
ആദ്യ ഹിറ്റിനു ശേഷം മലയാളം വിട്ട് തെലുങ്കിലേക്ക് ചേക്കേറിയ അനുപമ. ജോമോന്‍റെ സുവിശേഷങ്ങൾ എന്ന ദുല്‍ഖര്‍ ചിത്രത്തിലൂടെയാണ് പിന്നീട് മടങ്ങി വന്നത്.
ഇപ്പോഴിതാ, മറ്റൊരു ദുൽഖർ ചിത്രത്തിലൂടെ മലയാള സിനിമയില്‍ ശ്രദ്ധ കേന്ദ്രീകരിച്ചിരിക്കുകയാണ് താരം. ഗ്രിഗറിയെ നായകനാക്കി ദുല്‍ഖര്‍ നിർമിക്കുന്ന ചിത്രത്തിൽ സംവിധാന സഹായിയായാണ് അനുപമയെത്തുന്നത്.
നവാഗതനായ ഷംസുവാണ് ചിത്രത്തിന്‍റെ സംവിധായകൻ. സെറ്റിൽ നിന്നുള്ള രസകരമായ ചിത്രങ്ങൾ നടി തന്‍റെ' ഇൻസ്റ്റഗ്രാം പേജിലൂടെ പങ്കുവയ്ക്കാറുണ്ട്. ഇപ്പോഴിതാ സെറ്റില്‍ നിന്നുളള പുതിയൊരു വിഡിയോയുമായി എത്തിയിരിക്കുകയാണ് താരം.
മരുഭൂമിയിലെ ആന, നേരം, പ്രേമം,അള്ള് രമേന്ദ്രന്‍, ആദി തുടങ്ങിയ ചിത്രങ്ങളിലൂടെ ശ്രദ്ധേയനായ കൃഷ്ണ ശങ്കറിന് പിറന്നാള്‍ ആശംസകള്‍ നേര്‍ന്നാണ് അനുപമ വീഡിയോ പങ്കു വച്ചിരിക്കുന്നത്.
‘കിച്ചുവേട്ടാ കൊല്ലരുത്’ എന്ന അടിക്കുറിപ്പോടെയാണ് താരം വിഡിയോ പോസ്റ്റ് ചെയ്തിരിക്കുന്നത്.