Adios Amigo Movie: `അഡിയോസ് അമിഗോ`; പുതിയ റിലീസ് തിയ്യതി പുറത്ത് വിട്ട് അണിയറപ്രവർത്തകർ

കേരളത്തിന്റെ മുഴുവൻ ഉള്ളുപൊട്ടിച്ച വയനാടൻ ദുരന്തത്തിന്റെ പശ്ചാത്തലത്തിൽ റിലീസ് നീട്ടി വെച്ച ആസിഫ് അലി - സുരാജ് വെഞ്ഞാറമൂട് ചിത്രം 'അഡിയോസ്‌ അമിഗോ'യുടെ പുതിയ റിലീസ് തിയ്യതി പുറത്ത് വിട്ട് അണിയറപ്രവർത്തകർ. വയനാടിന് വേണ്ടി ഒന്നിക്കണമെന്നും വേണ്ട സഹായങ്ങൾ എത്തിക്കണമെന്നും അഭ്യർത്ഥിച്ച ആസിഫ് അലി ഉൾപ്പടെയുള്ള താരങ്ങളുടെ ചിത്രങ്ങൾ എല്ലാം തന്നെ റിലീസ് നീട്ടി വെച്ചിരുന്നു. ഓഗസ്റ്റ് രണ്ടിന് റിലീസ് നിശ്ചയിച്ചിരുന്ന 'അഡിയോസ് അമിഗോ' വയനാട് ദുരന്തത്തെ തുടർന്ന് താൽക്കാലികമായി നീട്ടി വെച്ചുവെന്ന് നിർമ്മാതാവ്  ആഷിക് ഉസ്മാൻ അറിയിച്ചെങ്കിലും പുതിയ റിലീസ് തിയ്യതി പുറത്തു വിട്ടിരുന്നില്ല. ഈ ഓഗസ്റ്റ് 9 ന് ആണ് 'അഡിയോസ് അമിഗോ'യുടെ പുതിയ റിലീസ് തിയ്യതി അറിയിച്ചിരിക്കുന്നത്.

ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ നിർമ്മിക്കുന്ന ചിത്രം നവാഗതനായ നഹാസ് നാസർ ആണ് സംവിധാനം ചെയ്യുന്നത്. ടോവിനോ ചിത്രം തല്ലുമാലയുടെ അസോസിയേറ്റ് ഡയറക്ടർ ആയിരുന്ന നഹാസ് ആദ്യമായി സ്വതന്ത്ര സംവിധായകനാകുന്ന ചിത്രത്തിന്റെ രചന നിർവ്വഹിച്ചിരിക്കുന്നത് തങ്കം ആണ്. കെട്ട്യോളാണ് എന്‍റെ മാലാഖയ്ക്ക് ശേഷം തങ്കം തിരക്കഥ ഒരുക്കുന്ന ചിത്രം കൂടിയാണ് ഇത്.

ആഷിക് ഉസ്മാൻ പ്രൊഡക്ഷസിന്റെ പതിനഞ്ചാമത് ചിത്രമായ 'അഡിയോസ് അമിഗോ'സിന്റെ സംഗീതം നിർവ്വഹിച്ചിരിക്കുന്നത് ഗോപി സുന്ദർ ,ജെക്ക്സ് ബിജോയും ചേർന്നാണ്. ക്യാമറ ജിംഷി ഖാലിദും. എഡിറ്റിംഗ് നിഷാദ് യൂസഫ്, ആർട്ട്‌ ആഷിഖ് എസ്, ഗാനരചന വിനായക് ശശികുമാർ, പ്രൊഡക്ഷൻ കൺട്രോളർ സുധർമ്മൻ വള്ളിക്കുന്ന്, മേക്കപ്പ് റോണേക്സ് സേവ്യർ, ചീഫ് അസോസിയേറ്റ് ഡയറക്ടർ ദിനിൽ ബാബു, അസോസിയേറ്റ് ഡയറക്ടർ ഓസ്റ്റിൻ ഡാൻ, രഞ്ജിത്ത് രവി, സ്റ്റിൽ ഫോട്ടോഗ്രാഫി രോഹിത് കെ സുരേഷ്, കൊറിയോഗ്രാഫർ പി രമേഷ് ദേവ്, കോസ്റ്റ്യൂം ഡിസൈനർ മഷർ ഹംസ, ഓഡിയോഗ്രാഫി വിഷ്ണു ഗോവിന്ദ്, വി എഫ് എക്സ് ഡിജിബ്രിക്സ്, പബ്ലിസിറ്റി ഡിസൈൻ ഓൾഡ്മങ്ക്സ്, വിതരണം സെൻട്രൽ പിക്ചർസ് റിലീസ്, മാർക്കറ്റിംഗ് ഒബ്സ്ക്യൂറ എന്റർടെയ്ന്‍‍മെന്‍റ്.