`നിഴലായി`; അവൾക്കൊപ്പം സിനിമയിലെ പുതിയ ഗാനം പുറത്തിറങ്ങി
ഗാനം ഇതിനോടകം തന്നെ സോഷ്യൽ മീഡിയയിൽ വൈറലായി മാറിയിരിക്കുകയാണ്
എ യു ശ്രീജിത് കൃഷ്ണയുടെ സംവിധാനത്തിൽ നൂറ് ശതമാനം സസ്പെൻസ്, നൂറ് ശതമാനം റോഡ് മൂവി എന്ന ടാഗ് ലൈനോടെ പുറത്തിറങ്ങിയ ചിത്രമാണ് #അവൾക്കൊപ്പം. ചിത്രത്തിന്റെ പ്രദർശനം രണ്ടാം ആഴ്ചയിലേക്ക് കടക്കുമ്പോൾ ചിത്രത്തിന്റെ വീഡിയോ സോങ് പുറത്തുവിട്ടിരിക്കുകയാണ് അണിയറപ്രവർത്തകർ.'നിഴലായി' എന്ന ഗാനമാണ് പുറത്തുവന്നിരിക്കുന്നത്.
ഗാനം ഇതിനോടകം തന്നെ സോഷ്യൽ മീഡിയയിൽ വൈറലായി മാറിയിരിക്കുകയാണ്. ചിത്രത്തിലെ ഏറ്റവും പ്രധാനപ്പെട്ട സ്ഥലത്താണ് ഈ ഗാനം എത്തുന്നത്. ജയേഷ് സ്റ്റീഫനാണ് ചിത്രത്തിന് സംഗീതം നൽകിയിരിക്കുന്നത്. ലേഖ നായരാണ് ഗാനം ആലപിച്ചിരിക്കുന്നത്. കൃപാനിധി സിനിമാസിന്റെ ബാനറിൽ ജിജിത് എ യു ആണ് നിർമിച്ചിരിക്കുന്നത്.
ഹൊറർ, സസ്പെൻസ് ചിത്രമായ ഹാഷ്ടാഗ് അവൾക്കൊപ്പത്തിൽ, കന്നട നായികയായ ബ്യന്ദകൃഷ്ണയാണ് നായിക. ക്യാമറ – രാരീഷ്, ഗാനരചന – ഫാത്തിമത് തമീമ, അരിസ്റ്റോ സുരേഷ്, ജയേഷ് സ്റ്റീഫൻ, എ.യു ശ്രീജിത്ത് കൃഷ്ണ, എഡിറ്റിംഗ് – ജോമിൻ, കളറിസ്റ്റ് – മുത്തുരാജ്, കല – ജയൻചിയിൻകീഴ്, വസ്ത്രാലങ്കാരം – ഇന്ദ്രൻസ് ജയൻ, ശബ്ദമിശ്രണം -അനൂപ് തിലക്, ചമയം – പ്രദീപ് രംഗൻ, നൃത്തം – കുട്ടു സുഭാഷ്, പ്രൊഡക്ഷൻ കൺട്രോളർ – രാധാക്യഷ്ണൻ തൈക്കാട്, സ്റ്റിൽ – അഫ്നാദ് മാസ്ക്ക്, ഡിസൈൻ – സ്ക്രീൻ ഫില്ലർ, പി.ആർ.ഒ- അയ്മനം സാജൻ, വിതരണം – തന്ത്രമീഡിയ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...