Bigg Boss Season 4 : ബിഗ് ബോസ് സീസൺ 4 ൽ അവതാരകൻ മോഹൻലാൽ തന്നെ; പ്രോമോ ഉടനെത്തും
ഷോയുടെ ലോഗോ പുറത്ത് വിട്ടത് മുതൽ അവതാരകൻ ആരാകുമെന്നുള്ള ചർച്ചകൾ വർധിച്ച് കൊണ്ടിരിക്കുകയാണ്.
Kochi : ബിഗ് ബോസ് മലയാളം സീസൺ 4 ൽ അവതാരകനായി മോഹൻലാൽ തന്നെയെത്തുമെന്ന് റിപ്പോർട്ട്. ഷോയുടെ ലോഗോ പുറത്ത് വിട്ടത് മുതൽ അവതാരകൻ ആരാകുമെന്നുള്ള ചർച്ചകൾ വർധിച്ച് കൊണ്ടിരിക്കുകയാണ്. ഇപ്പോൾ ഇടൈംസാണ് ബിഗ്‌ബോസിന്റെ അവതാരകനായി മോഹൻലാൽ തന്നെ തിരിച്ചെത്തുമെന്ന് അറിയിച്ചിരിക്കുന്നത്. കൂടാതെ ഷോയുടെ പ്രോമോയും ഉടൻ റിലീസ് ചെയ്യുമെന്നാണ് റിപ്പോർട്ടുകൾ സൂചിപ്പിക്കുന്നത്.
ഇതിനോടൊപ്പം ഈ വർഷത്തെ സീസണിലെ മത്സരാർഥികളുടെ ലിസ്റ്റും ഉടൻ പുറത്ത് വിട്ടേക്കും. മോഹൻലാലിന് പകരം ഇത്തവണ സുരേഷ് ഗോപി എത്തുമെന്നും അഭ്യൂഹങ്ങൾ ഉണ്ടായിരുന്നു. ഷോയുടെ ലോഗോ ഫെബ്രുവരി 27 ന് പുറത്ത് വിട്ടിരുന്നു. ഷോ മാർച്ചിൽ തന്നെ ആരംഭിക്കുമെന്ന് ഏഷ്യാനെറ്റ് അറിയിച്ചിരുന്നു.മോഹൻലാൽ ഷോയിൽ നിന്ന് പിന്മാറിയെന്ന അഭ്യൂഹങ്ങൾ വന്നത് മുതൽ ആരാധകർ ഏറെ നിരാശ പ്രകടിപ്പിച്ചിരുന്നു. എന്നാൽ സുരേഷ് ഗോപി എത്തുന്നതാണ് നല്ലതെന്ന അഭിപ്രായവുമായി എത്തിയവരും കുറവല്ല.
മോഹൻലാൽ ഷൂട്ടിംഗ് തിരക്കുകളിൽ ആയതിനാൽ ഇത്തവണ ബിഗ് ബോസിൽ എത്തില്ലെന്നായിരുന്നു അഭ്യൂഹങ്ങൾ. മോഹൻലാൽ സംവിധാനം ചെയ്യുന്ന ബറോസിന്റെയും മറ്റ് ചിത്രങ്ങളുടെയും ഷൂട്ടിങും അണിയറ പ്രവർത്തനങ്ങളൂം പുരോഗമിക്കുന്ന സാഹചര്യത്തിൽ മോഹൻലാൽ പരിപാടിയിൽ നിന്ന് മാറി നിൽക്കാൻ സാധ്യതയുണ്ടെന്നായിരുന്നു റിപ്പോർട്ടുകൾ. ഏഷ്യാനെറ്റോ, മോഹൻലാലോ ഇതിനെ കുറിച്ച് ഔദ്യോഗിക സ്ഥിരീകരണങ്ങൾ ഒന്നും തന്നെ ഇനിയും നടത്തിയിട്ടില്ല.
അതിനിടെ സന്തോഷ് പണ്ഡിറ്റ് ഈ വർഷം പങ്കെടുക്കുമെന്ന് റിപ്പോർട്ടുകൾ വന്നിരുന്നു. സന്തോഷ് പണ്ഡിറ്റിനൊപ്പം പാല സജി, വാവ സുരേഷ്, അനു തുടങ്ങിയവരുടെ പേരുകളും ഉയർന്ന് കേൾക്കുന്നുണ്ട്. എന്നാൽ ഔദ്യോഗിക വിവരങ്ങൾ ഇനിയും പുറത്ത് വിട്ടിട്ടില്ല. ഇതിനിടയിൽ ഷോയുടെ ഹോസ്റ്റ് ആരാകുമെന്ന കാര്യത്തിലും സംശയം നിലനിൽക്കുന്നുണ്ട്. മോഹൻലാൽ തന്നെയാകും ഷോയുടെ ഹോസ്റ്റെന്നാണ് അടുത്ത വൃത്തങ്ങൾ സൂചിപ്പിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...