Chathuram Ott : ചതുരം ഒടിടിയിൽ എത്തി; എവിടെ കാണാം?
Chathuram OTT Platform : ജനുവരി ആദ്യം ചിത്രം ഒടിടിയിൽ എത്തുമെന്ന് റിപ്പോർട്ടുകളുണ്ടായിരുന്നു. പിന്നീട് റിലീസ് നീണ്ടു പോവുകെയായിരുന്നു
സ്വാസിക, റോഷൻ മാത്യു, അലൻസിയർ എന്നിവർ കേന്ദ്ര കഥാപാത്രങ്ങളാക്കി സിദ്ധാർഥ് ഭരതൻ ഒരുക്കിയ ചതുരം ഒടിടിയിൽ എത്തി. ഇന്ന് രാത്രി 10 മണി മുതലാണ് ചിത്രം സ്ട്രീമിങ് ആരംഭിച്ചിരിക്കുന്നത്. ചിത്രത്തിന്റെ ഡിജിറ്റൽ അവകാശം സ്വന്തമാക്കിയിരിക്കുന്നത് സൈന പ്ലേയാണ്. നേരത്തെ ജനുവരിയിൽ തന്നെ ചിത്രം ഒടിടി പ്ലാറ്റ്‌ഫോമുകളിൽ എത്തുമെന്ന് അറിയിച്ചിരുന്നെങ്കിലും എന്നാൽ അത് നീണ്ടു പോകുകായായിരുന്നു. പിന്നീട് പലവട്ടം ഒടിടി പ്ലാറ്റ് ഫോം ഏതെന്ന് സംശയിച്ച് ചില തർക്കങ്ങൾ നിലനിന്നിരുന്നു. പ്രേക്ഷകർ ഏറ്റവും അധികം കാത്തിരിക്കുന്ന ഒടിടി റിലീസുകളിൽ ഒന്നാണ് ചതുരം.
ഇറോട്ടിക് ത്രില്ലർ വിഭാഗത്തിൽ എത്തിയ ചിത്രമായിരുന്നു ചതുരം. സെൻസർ ബോർഡ് എ സർട്ടിഫിക്കറ്റ് നൽകിയ ചിത്രത്തിന് നിരവധി വിമർശനങ്ങൾ ഏറ്റ് വാങ്ങേണ്ടി വന്നിരുന്നു. ചിത്രത്തിൽ അതിയായ വയലൻസും സെക്സും നിറഞ്ഞിരിക്കുന്നതിനാലാണ് സെൻസർ ബോർഡ് ചിത്രത്തിന് എ സർട്ടിഫിക്കറ്റ് നൽകിയത്. ഇതിന് പിന്നാലെ ചില വിവാദങ്ങളിലും ചിത്രം പെട്ടിരുന്നു. ഒരു വിഭാഗം ആളുകൾ ചിത്രത്തിനെതിരെയും രംഗത്ത് വന്നിരുന്നു.
ALSO READ : Maaveeran OTT Update : മാവീരന്റെ ഡിജിറ്റൽ അവകാശങ്ങൾ പ്രമുഖ ഒടിടി പ്ലാറ്റ്‌ഫോം സ്വന്തമാക്കി
കഴിഞ്ഞ വർഷം നവംബർ 4 നാണ് ചിത്രം തിയേറ്ററുകളിൽ റിലീസ് ചെയ്തത്. ചിത്രത്തിന് തിയേറ്ററുകളിൽ വളരെ മികച്ച പ്രതികരണമായിരുന്നു ലഭിച്ചത്. സിദ്ധാർഥ് ഭരതൻ ആണ് ചിത്രം സംവിധാനം ചെയ്തത്. സ്വാസിക, റോഷൻ മാത്യു, അലൻസിയർ എന്നിവർക്ക് പുറമെ ശാന്തി, ലിയോണ, ഗീതി സംഗീത, നിശാന്ത് സാഗർ, കിച്ചു ടെല്ലസ് എന്നിവരാണ് സിനിമയിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
ഗ്രീൻവിച്ച് എന്റർടേയ്ൻമെന്റ്സിന്റെയും യെല്ലോ ബേർഡ് പ്രൊഡക്ഷന്റെയും ബാനറിൽ വിനിതാ അജിത്തും ജോർജ് സാന്തിയാഗോയും ചേർന്നാണ് ചിത്രം നിർമിച്ചത്. സിദ്ധാർഥ് ഭരതനും വിനോയി തോമസും ചേർന്നാണ് സിനിമയ്ക്ക് കഥയും തിരക്കഥയും ഒരുക്കിയത്. പ്രദീഷ് എം വർമ്മയാണ് ക്യാമറ കൈകാര്യം ചെയ്തത്. പ്രശാന്ത് പിള്ളയാണ് സിനിമയ്ക്ക് സംഗീതം നൽകിയിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...