Crew Teaser Out: തബു, കരീന, കൃതിയുടെ `ക്രൂ` ടീസർ എത്തി

Crew Teaser Out: തബു, കരീന കപൂർ ഖാൻ, കൃതി സനോന്‍ എന്നിവർ എയർ ഹോസ്റ്റസായി എത്തുന്ന 'ക്രൂ'വിന്‍റെ ടീസർ ശനിയാഴ്ച പുറത്തിറങ്ങി. 

തബു, കരീന കപൂർ ഖാൻ, കൃതി സനോന്‍ എന്നിവർ ആദ്യമായി ഒന്നിക്കുന്ന ചിത്രമാണ് ഇത്. മൂവരുടെയും  അതീവ ഗ്ലാമറസ് ലുക്ക് ഇതിനകം തന്നെ പോസ്റ്ററിൽ കണ്ടു കഴിഞ്ഞു. ഈ കൊമേഴ്‌സ്യൽ ഫാമിലി എന്‍റര്‍ടെയ്‌നറിന്‍റെ ടീസർ വീഡിയോ മറ്റ് പലതും വെളിപ്പെടുത്തുന്നുണ്ട്.  

'ക്രൂ'വിന്‍റെ ടീസർ നിങ്ങളെ മൂന്ന് എയർ ഹോസ്റ്റസുമാരുടെ യാത്രയിലേക്ക് കൊണ്ടുപോകുകയാണ്...  തകർപ്പൻ ഡയലോഗുകൾ, ഒപ്പം നര്‍മ്മവും നിർമ്മാതാക്കൾ തുല്യമായി ചേർത്തിട്ടുണ്ട്. മൊത്തത്തിൽ, 'ക്രൂ' ഒരു വിനോദ വിമാന സാഹസികതയായിരിക്കുമെന്ന് ഈ ടീസർ വെളിപ്പെടുത്തുന്നു. 

'ക്രൂ'വിന്‍റെ ടീസറില്‍ തബു, കരീന, കൃതി സനോൻ ജോഡികൾ ഒന്നിക്കുന്നത് കണ്ട് ആസ്വദിക്കാം. മൂവരെയും ആദ്യമായി ഒരുമിച്ചാണ് കാണുന്നത്. താരങ്ങളുടെ ഗ്ലാമറസ് സ്റ്റൈലിഷ് ലുക്കിനൊപ്പം അതിശയകരമായ ഒരു ഫ്ലൈറ്റ് യാത്ര കാണാം. വ്യത്യസ്‌തമായ അഭിനേതാക്കളും അതിശയകരമായ നര്‍മ്മത്തില്‍ പൊതിഞ്ഞ കഥയും ചിത്രം കൂടുതല്‍ പ്രിയങ്കരമാക്കും എന്നതില്‍ സംശയമില്ല. ഒപ്പം, കപിൽ ശർമ്മയുടെയും ദിൽജിത് ദോസഞ്ചിന്‍റെയും ദൃശ്യങ്ങൾ ടീസറിൽ കാണാം...  

'ക്രൂ'വിന്‍റെ കഥ

ജീവിതത്തിന്‍റെ വിവിധ തുറകളിൽ നിന്ന് എത്തി ക്യാബിൻ ക്രൂ ആയി ജോലി ചെയ്യുന്ന ഈ മൂന്ന് സുന്ദരിമാരുടെ കഥയാണിത്. ഒരു ഇടത്തരം കുടുംബത്തിൽ നിന്നുള്ള ഈ കഥാപാത്രങ്ങൾ കഠിനാധ്വാനം ചെയ്യുകയും ജീവിതത്തിൽ മുന്നോട്ട് പോകാൻ ശ്രമിക്കുകയും ചെയ്യുന്നു, പക്ഷേ വിധി അവരെ വളരെ വ്യത്യസ്തവും പ്രശ്‌നകരവുമായ വഴിത്തിരിവിലേക്ക് കൊണ്ടുവരുന്നു. 

രാജേഷ് കൃഷ്ണൻ സംവിധാനം ചെയ്ത 'ക്രൂ'വിന്‍റെ റിലീസ് തീയതിയും പുറത്തുവന്നു.  ബാലാജി ടെലിഫിലിംസും അനിൽ കപൂർ ഫിലിം ആൻഡ് കമ്മ്യൂണിക്കേഷൻസ് നെറ്റ്‌വർക്കും ചേർന്ന് ഒരുക്കുന്ന സിനിമ ഒരു ഫാമിലി എന്‍റര്‍ടെയ്‌നറാണ്. അനിൽ കപൂർ, ദിൽജിത് ദോസഞ്ച്, കപിൽ ശർമ്മ എന്നിവർ പ്രത്യേക വേഷങ്ങളിൽ അഭിനയിച്ചിരിക്കുന്നു. ചിത്രം കാണാൻ പ്രേക്ഷകർ 2024 മാർച്ച് 29 വരെ കാത്തിരിക്കണം...!!