Deepika Padukone: പ്രൊജക്ട് കെയില്‍ അമ്പരപ്പിക്കുന്ന ലുക്കിൽ ദീപിക പദുക്കോൺ; ഫസ്റ്റ്ലുക്ക് പോസ്റ്റര്‍ പുറത്തുവിട്ടു
Project K: ദേശീയ അവാർഡ് നേടിയ മഹാനടി എന്ന ചിത്രത്തിന്റെ സംവിധായകൻ നാഗ് അശ്വിൻ ആണ് പ്രൊജക്ട് കെ സംവിധാനം ചെയ്യുന്നത്. ഹിന്ദി, തെലുങ്ക്, തമിഴ്, കന്നഡ, മലയാളം എന്നീ ഭാഷകളിലായി നൂറ് കോടി മുതൽമുടക്കിലാണ് ചിത്രം പുറത്തിറങ്ങുന്നത്.
മുംബൈ: ഒടുവിൽ കാത്തിരിപ്പിന് വിരാമം. 'പ്രോജക്റ്റ് കെ' യിലെ ദീപിക പദുക്കോണിന്റെ ഫസ്റ്റ് ലുക്ക് പോസ്റ്റർ പുറത്തിറക്കി. നിർമ്മാതാക്കൾ ട്വിറ്ററിലൂടെയാണ് ഫസ്റ്റ് ലുക്ക് പോസ്റ്റർ പുറത്ത് വിട്ടത്. "ഒരു നല്ല നാളേക്കായി ഒരു പ്രതീക്ഷ വെളിച്ചം വീശുന്നു. ഇത് പ്രോജക്ട് കെയിലെ ദീപിക"എന്ന കുറിപ്പോടെയാണ് വൈജയന്തി മൂവീസ് ദീപികയുടെ ഫസ്റ്റ് ലുക്ക് ട്വിറ്ററിൽ പങ്കുവച്ചത്.
ദീപിക പദുക്കോണിന്റെ ഒഫീഷ്യൽ ഫസ്റ്റ് ലുക്ക് ആരാധകരെ ആകാംക്ഷയിലാഴ്ത്തിയിരിക്കുകയാണ്. 'പ്രോജക്റ്റ് കെ' ഒരു സയൻസ് ഫിക്ഷൻ ചിത്രമായി കണക്കാക്കപ്പെടുന്നു. ദേശീയ അവാർഡ് നേടിയ മഹാനടി എന്ന ചിത്രത്തിന്റെ സംവിധായകൻ നാഗ് അശ്വിൻ ആണ് പ്രൊജക്ട് കെ സംവിധാനം ചെയ്യുന്നത്. ഹിന്ദി, തെലുങ്ക്, തമിഴ്, കന്നഡ, മലയാളം എന്നീ ഭാഷകളിലായി നൂറ് കോടി മുതൽമുടക്കിലാണ് ചിത്രം പുറത്തിറങ്ങുന്നത്.
പ്രഭാസ് നായകനാകുന്ന ചിത്രത്തിൽ അമിതാഭ് ബച്ചൻ, കമൽഹാസൻ എന്നിവരാണ് മറ്റ് പ്രധാന അഭിനേതാക്കൾ. സാൻ ഡീഗോ കോമിക്-കോണിലെ ആഘോഷത്തിന് തുടക്കമിട്ട്, ജൂലൈ 19ന് നടക്കുന്ന ഉദ്ഘാടന നിശാ പാർട്ടിയുടെ ഭാഗമായി വൈജയന്തി മൂവീസ് ആരാധകർക്ക് ചിത്രം കാണാനുള്ള അവസരം നൽകും. ജൂലൈ 20ന് ചിത്രത്തിന്റെ ടീം ഒരു പാനൽ ഹോസ്റ്റ് ചെയ്യും. ഈ സമയത്ത് ചിത്രത്തിന്റെ മുഴുവൻ പേരും ടീസർ, ട്രെയിലർ, റിലീസ് തിയതി എന്നിവ വെളിപ്പെടുത്തും.
ALSO READ: Jailer Movie : മാസ് എന്നാൽ രജിനി; സൂപ്പർ സ്റ്റാറിന്റെ സ്റ്റൈലിൽ ജയിലറിലെ ഹുക്കും ഗാനം പുറത്ത്
"സാൻ ഡീഗോ കോമിക്-കോണിൽ 'പ്രോജക്റ്റ് കെ'യുടെ അരങ്ങേറ്റം അവതരിപ്പിക്കുന്നതിൽ ഞങ്ങൾക്ക് സന്തോഷമുണ്ട്. ഇന്ത്യയുടെ കഥപറച്ചിൽ പാരമ്പര്യത്തിന് പുരാതന വേരുകളുണ്ട്, അതിന്റെ ഇതിഹാസങ്ങൾ ലോകമെമ്പാടുമുള്ള നിരവധി നാഗരികതകളുടെ ഉത്ഭവസ്ഥാനമായി വർത്തിക്കുന്നു. ഇത്രയും വലിയ ഒരു ലോകത്തിന് അത് ജനങ്ങൾക്ക് പരിചയപ്പെടുത്താൻ ഒരു പ്ലാറ്റ്ഫോം ആവശ്യമാണ്" സംവിധായകൻ നാഗ് അശ്വിൻ പറ‍ഞ്ഞു.
2024 ജനുവരി 12ന് ചിത്രം തിയേറ്ററുകളിൽ പ്രദർശനത്തിനെത്തുമെന്നാണ് റിപ്പോർട്ട്. സിദ്ധാർത്ഥ് ആനന്ദിന്റെ അടുത്ത ഏരിയൽ ആക്ഷൻ ത്രില്ലർ ചിത്രമായ 'ഫൈറ്റർ' എന്ന ചിത്രത്തിൽ ഹൃത്വിക് റോഷനൊപ്പം ദീപിക പദുക്കോണും പ്രധാന വേഷം കൈകാര്യം ചെയ്യുന്നു. ഈ വർഷത്തെ ഏറ്റവും വലിയ ഹിറ്റായ 'പത്താൻ' എന്ന ചിത്രത്തിന് ശേഷം സംവിധായകൻ സിദ്ധാർത്ഥ് ആനന്ദിനൊപ്പം ദീപിക ചെയ്യുന്ന രണ്ടാമത്തെ ചിത്രമാണിത്. അടുത്ത വർഷം ജനുവരി 25 ന് റിലീസ് ചെയ്യാനിരിക്കുന്ന 'ഫൈറ്റർ' എന്ന ചിത്രത്തിൽ കരൺ സിംഗ് ഗ്രോവർ, അക്ഷയ് ഒബ്‌റോയ് എന്നിവരും അഭിനയിക്കും. ഷാരൂഖ് ഖാൻ നായകനായ 'ജവാൻ' എന്ന ചിത്രത്തിൽ ദീപിക ഗസ്റ്റ് റോളിൽ എത്തും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...