Dhruva Natchathiram | ധ്രുവനച്ചത്തിരം റിലീസായില്ല പക്ഷെ ബുക്ക് മൈ ഷോയിൽ 9.1 റേറ്റിങ്ങ്- പോസ്റ്റുമായി വിജയ് ബാബു

അവസാന മിനിട്ടിൽ റിലീസ് മാറ്റി വെച്ച   ധ്രുവനച്ചത്തിരത്തിന് പോലും ഗംഭീര റേറ്റിങ്ങ് വന്നതിലെ കള്ളക്കളി ചൂണ്ടിക്കാണിച്ചിരിക്കുകയാണ് നടനും നിർമ്മാതാവുമായ വിജയ് ബാബു. ഫേസ്ബുക്ക് പോസ്റ്റിലൂടെയാണ് വിജയ് ബാബു ഇത് പങ്ക് വെച്ചത്.ധ്രുവനച്ചത്തിരം റിലീസ് അവസാന നിമിഷം മാറ്റിവച്ചു. ഇപ്പോഴും ബുക്ക് മൈ ഷോയിൽ അവലോകനങ്ങളും റേറ്റിംഗുകളും ഉണ്ട്. റിലീസ് ചെയ്യാത്ത ഒരു സിനിമയ്ക്ക് 9.1 റേറ്റിംഗ് എന്നാണ് വിജയ് ബാബു പങ്ക് വെച്ച പോസ്റ്റിലുള്ളത്.

സൂപ്പർ ഡയറക്ഷൻ, ഗ്രേറ്റ് ആക്ടിങ്ങ് അങ്ങിനെ തുടങ്ങുന്ന കമൻറുകളാണ് ചിത്രത്തിന് ബുക്ക് മൈ ഷോയിലുള്ളത്. 214 പേരോളം ഗംഭീര അഭിനയമെന്നും 184 പേർ മികച്ച കഥയെന്നും അഭിപ്രായം പറഞ്ഞിട്ടുണ്ട്. ഇതെന്തായാലും വലിയ ചർച്ചകൾക്കാണ് വഴി വെച്ചിരിക്കുന്നത്.മലയാള സിനിമ മാത്രം അല്ല PR വർക്ക്‌ എല്ലായിടത്തും ഉണ്ട്‌ .. തമിഴ് സിനിമ ആയതു കൊണ്ട് താങ്കൾ ഈ പോസ്റ്റ്‌ ഇട്ട്.. മലയാളം ആയിരുന്നേൽ ഇടില്ല.. സിനിമ കാണുന്ന ജനം ഇത് എല്ലാം കണ്ടു കൊണ്ടാണ് ഇരിക്കുന്നത്- വിജയ് ബാബു പങ്ക് വെച്ച പോസ്റ്റിന് താഴെ വന്ന കമൻറാണിത്.

നവംബർ 24-ന് തീയ്യേറ്ററിൽ എത്തേണ്ടിയിരുന്ന ചിത്രം സാമ്പത്തിക ബാധ്യത മൂലം വീണ്ടും റീലീസ് മാറ്റുകയായിരുന്നു. ചിത്രത്തിനായി  ഗൗതം മേനോൻ വാങ്ങിയ 2.6 കോടി കടം തിരികെ നൽകാൻ കഴിയാത്തതാണ് ചിത്രം റീലിസ് നീട്ടുന്നതെന്നണ് സൂചന. 2016-ൽ ഷൂട്ടിങ്ങ് ആരംഭിച്ച ചിത്രം 2018-ൽ നിർത്തി വെച്ചിരുന്നു. റിതുവർമ്മയും ഐശ്വര്യ രാജേഷും നായിക മാരാവുന്ന ചിത്രത്തിൽ വിക്രമാണ് നായകൻ വില്ലനായി വിനായകനും എത്തുന്നുണ്ട്.