Gangs of Sukumara Kurup: ഗ്യാങ്സ് ഓഫ് സുകുമാരക്കുറുപ്പ്; ചാവക്കാടിൻ്റെ മനോഹാരിത വർണിക്കുന്ന ​ഗാനവുമായി വിനീത് ശ്രീനിവാസനും അഫ്സലും

മലയാള സിനിമയിലെ ജനപ്രിയഗായകനായ അഫ്സലുമൊത്ത് ​ഗ്യാങ്സ് ഓഫ് സുകുമാരക്കുറുപ്പ് എന്ന ചിത്രത്തിനായി വിനീത് പാടിയിരിക്കുന്ന ​ഗാനം പ്രേക്ഷക ശ്രദ്ധ നേടിയിരിക്കുകയാണ്. ഈദ് പെയ്യുമെൊരു കാറ്റ് പായുമിടം ചാവക്കാട്... അറബിക്കടലോടും നാട്... കരളു തന്ന് പോറ്റും നാട് എന്ന ഗാനമാണ് ഇരുവരും ചേർന്ന് ആലപിച്ച് ഇപ്പോൾ ഏറെ വൈറലായിരിക്കുന്നത്.

ചാവക്കാടിനെക്കുറിച്ചു വർണ്ണിക്കുന്ന ഈ മനോഹരമായ ഗാനം പ്രേക്ഷകർ ഏറ്റെടുത്തിരിക്കുകയാണ്. ഹരിനാരായണൻ രചിച്ച് മെജോ ജോസഫ്  ഈണമിട്ട ​ഗാനമാണ് വിനീതും അഫ്സലും ചേർന്ന് ആലപിച്ചിരിക്കുന്നത്. ഷെബി ചൗഘട്ട് സംവിധാനം ചെയ്യുന്ന ചിത്രമാണ് ​ഗ്യാങ്സ് ഓഫ് സുകുമാരക്കുറുപ്പ്. ഏറെ കൗതുകം നിറഞ്ഞ ഒരു കഥയുടെ ചലച്ചിത്ര ആവിഷ്ക്കാരമാണ് ​ഗ്യാങ്സ് ഓഫ് സുകുമാരക്കുറുപ്പ്.

ചിത്രത്തിൻ്റെ കഥ നടക്കുന്നത് ചാവക്കാടാണ് കേന്ദ്രീകരിച്ചാണ്. അതാണ് ഈ പാട്ടിൻ്റെ ഉള്ളടക്കമായി മാറിയതും. പ്രമുഖതാരങ്ങൾ അണിനിരക്കുന്ന ഈ ചിത്രം പ്രജീവം മൂവീസിൻ്റെ ബാനറിൽ പ്രജീവ് സത്യവ്രതൻ ആണ് നിർമിക്കുന്നത്. ചിത്രത്തിൽ നിരവധി പുതുമുഖങ്ങളും അഭിനയിച്ചിട്ടുണ്ട്. ഓണത്തിനോടനുബന്ധിച്ച് സെപ്റ്റംബർ പതിമൂന്നിന് ചിത്രം തിയേറ്ററുകളിൽ പ്രദർശനത്തിനെത്തും. പിആർഒ- വാഴൂർ ജോസ്.