Pankaj Udhas Death: പ്രശസ്ത ​ഗസൽ ​ഗായകൻ പങ്കജ് ഉധാസ് അന്തരിച്ചു

പ്രശസ്ത ​ഗസൽ ​ഗായകൻ പങ്കജ് ഉധാസ് അന്തരിച്ചു. 73 വയസ്സിയിരുന്നു. വാർധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്ന അദ്ദേഹം മുംബൈയിലെ സ്വകാര്യ ആശുപത്രിയിൽ വെച്ചാണ് മരണപ്പെടുന്നത്. പങ്കജ് ഉദാസിന്റെ മകളായ നയാബ് ഉധാസ് തന്റെ സോഷ്യൽ മീഡിയ അക്കൗണ്ടിലൂടെയാണ് അച്ഛന്റെ മരണ വിവരം അറിയിച്ചത്. ഫരീദയാണ് പങ്കജ് ഉധാസ്സിന്റെ ഭാര്യ.ബോളിവുഡ് ചിത്രമായ നാം എന്ന ചിത്രത്തിലൂടെ 1986 ലാണ് പങ്കജ് ​ഗായകൻ എന്ന നിലയിൽ ബോളിവുഡ് സിനിമാ രം​ഗത്ത് തന്റെ ചുവടുറപ്പിക്കുന്നത്. ബോളിവുഡിലെ ഒട്ടുമിക്ക മെല​ഡി ​ഗാനങ്ങളിലും പങ്കജിന്റെ ശബ്ദം കേൾക്കാം. അത്തരത്തിൽ പ്രണയാർദ്ധവും മധുരമൂറുന്നതുമായിരുന്നു പങ്കജ്  ഉധാസിസിന്റെ ശബ്ദം.

മെലഡിയിൽ ചുവടുച്ചെങ്കിലും അദ്ദേഹത്തിന്റെ മനസ്സ് നിറയെ എന്നും ​ഗസൽ ആയിരുന്നു. ​ഗുജറാത്തിലെ ചർഖണ്ഡി എന്ന ​ഗ്രാമത്തിലായിരുന്നു അദ്ദേഹം ജനിച്ചത്. ചെറുപ്പം മുതലേ ​ഗസലിനോട് ഭയങ്കര കമ്പമായിരുന്നു. ചാന്ദി ജൈസ രംഗ് ഹൈ തേരാ സോനേ ജൈസെ ബാൽ എന്ന ഗാനം ആലപിച്ചതോടെയാണ് ​പങ്കജിനെ ​ഗസൽ സം​ഗീത ലോകം ശ്രദ്ധിച്ചു തുടങ്ങുന്നത്. സായ ബാങ്കർ,യുൻ മേരെ ഖാത്ക, ചുപ്‌കെ ചുപ്‌കെ,ഖുതാരത്, തുജ രാഹ ഹൈ തൊ,ഏക് തരഫ് ഉസ്‌ക ഗർ, ക്യാ മുജ്‌സെ ദോസ്തി കരോഗെ,, ആഷിഖോൻ നെ,  ചു ഗയി, മൈഖാനെ സെ,  മൈഖാനെ സേ, ഗൂൻഗാത്, ടൂതെ, പീനെ വാലോ സുനോ, റിഷ്‌തെ ആൻസു എന്നീ നിരവധി ഹിറ്റ് ​ഗസല്ഡ ​ഗാനങ്ങളുടെ ശബ്ദമാണ് പങ്കജ്. 2006ൽ രാജ്യം രാജ്യം പത്മശ്രീ പുരസ്കാരം നൽകി ആദരിച്ചിട്ടുണ്ട്.