Fighter: ഫൈറ്ററിന് കത്രിക വച്ച് സെൻസർ ബോർഡ്, ഈ രംഗങ്ങൾ മാറ്റി

Fighter: ഫൈറ്ററിന് കത്രിക വച്ച് സെൻസർ ബോർഡ്, ഈ രംഗങ്ങൾ മാറ്റി 

Fighter Movie: പ്രേക്ഷകര്‍ ആകാംക്ഷയോടെ കാത്തിരിയ്ക്കുന്ന ബോളിവുഡിലെ ഏറ്റവും വലിയ ഏരിയൽ ആക്ഷൻ ഡ്രാമയായ 'ഫൈറ്റർ' ന്‍റെ റിലീസിനായി കാത്തിരിയ്ക്കുകയാണ് സിനിമാ പ്രേമികള്‍.  കഴിഞ്ഞ 16 ന് ചിത്രത്തിന്‍റെ ട്രെയിലര്‍ പുറത്തുവന്നിരുന്നു. ട്രെയിലര്‍ പുറത്തുവന്ന് 24 മണിക്കൂര്‍ തികയും മുന്‍പ് യൂട്യൂബിൽ 10 മില്ല്യണ്‍ വ്യൂസ് കടന്നിരിരുന്നു. 

സിദ്ധാർത്ഥ് ആനന്ദ് സംവിധാനം ചെയ്ത ഏരിയൽ ആക്ഷൻ ചിത്രം ഫൈറ്റർ ജനുവരി 25 ന് തിയേറ്ററുകളിൽ റിലീസ് ചെയ്യാൻ പോകുന്നു. ഹൃത്വിക് റോഷൻ, ദീപിക പദുക്കോൺ, അനിൽ കപൂർ എന്നിവർ അഭിനയിക്കുന്ന ഈ ചിത്രം ഒരുപാട് ഏരിയൽ ആക്ഷന്‍ കൊണ്ട്  നിറഞ്ഞതാണ് എന്നാണ് റിപ്പോര്‍ട്ട്. 

ട്രെയിലർ പുറത്തിറങ്ങിയതു മുതൽ ഫൈറ്റർ ചിത്രം കാണാന്‍ സിനിമാ പ്രേമികള്‍ ആവേശത്തിലാണ്. ആ അവസരത്തില്‍ ഫൈറ്ററുമായി ബന്ധപ്പെട്ട പുതിയ അപ്‌ഡേറ്റ് പുറത്തുവന്നിരിയ്ക്കുകയാണ്. റിപ്പോര്‍ട്ട് അനുസരിച്ച് സെൻസർ ബോർഡ് ഹൃത്വിക്-ദീപിക ചിത്രത്തിന് ഗ്രീൻ സിഗ്നൽ നൽകി എങ്കിലും ചിത്രത്തില്‍ നിന്ന് ചില രംഗങ്ങള്‍ വെട്ടിമാറ്റിയ ശേഷമാണ് ചിത്രത്തിന് സിബിഎഫ്‌സി യു/എ സർട്ടിഫിക്കറ്റ് നൽകിയിരിക്കുന്നത്. 

 ഫൈറ്ററിന് സെൻസർ ബോർഡിന്‍റെ കത്രിക!

റിപ്പോര്‍ട്ട് അനുസരിച്ച് ഹൃത്വിക് റോഷൻ ദീപിക പദുകോണ്‍ ചിത്രം ഫൈറ്ററിന് ഗ്രീന്‍ സിഗ്നല്‍ നല്‍കുന്നതിനു മുന്‍പ് നിരധി സീനുകള്‍ വെട്ടിക്കുറച്ചിട്ടുണ്ട്. ചില അശ്ലീല വാക്കുകള്‍ നീക്കം ചെയ്യുകയോ നിശബ്ദമാക്കുകയോ ചെയ്തിട്ടുണ്ട്. അതുകൂടാതെ, പുകവലി വിരുദ്ധ സന്ദേശം കാണിക്കാനും നിര്‍മ്മാതാക്കളോട് ആവശ്യപ്പെട്ടിട്ടുണ്ട്. കൂടാതെ ഒരു സെക്സ് സീനിലും മാറ്റം വരുത്തുവാന്‍ സെൻസർ ബോർഡ് നിര്‍ദ്ദേശിച്ചതായാണ് സൂചന. 

ഫൈറ്റർ മൂവിക്ക് സെൻസർ ബോർഡിന്‍റെ യു/എ സർട്ടിഫിക്കറ്റ് ആണ് ലഭിച്ചിരിയ്ക്കുന്നത്. സിദ്ധാർത്ഥ് ആനന്ദ് സംവിധാനം ചെയ്യുന്ന 2 മണിക്കൂർ 40 മിനിറ്റ് ദൈഘ്യമുള്ള ചിത്രം അഡ്വാന്‍സ് ബുക്കിംഗില്‍ തരംഗമാവുകയാണ്.  റിലീസ് ദിവസത്തെ ഏകദേശം 60,000 ടിക്കറ്റുകൾ വിറ്റുപോയതായി സക്നിൽകിന്‍റെ റിപ്പോർട്ട്.