Indian 2: അനിരുദ്ധ് ഒരുക്കിയ മെലഡി; `ഇന്ത്യൻ 2`ലെ പുതിയ ​ഗാനം പുറത്ത്

ലോകമെമ്പാടുമുള്ള പ്രേക്ഷകർ അക്ഷമരായി കാത്തിരിക്കുന്ന ചിത്രമാണ് ഇന്ത്യൻ 2. കമൽ ഹാസൻ നായകനായി ശങ്കർ സംവിധാനം ചെയ്യുന്ന ചിത്രത്തിലെ രണ്ടാമത്തെ ​ഗാനം പുറത്തിറങ്ങി. നീലോർപം എന്ന് തുടങ്ങുന്ന ​ഗാനത്തിന്റെ ലിറിക്കൽ വീഡിയോ ആണ് പുറത്തുവിട്ടിരിക്കുന്നത്. സിദ്ധാർത്ഥ്, രാകുൽ പ്രീത് സിം​ഗ് എന്നിവരാണ് ​ഗാനരം​ഗത്തുള്ളത്. എബി വി, ശ്രുതി സമുദ്രല എന്നിവരാണ് ​ഗാനം ആലപിച്ചിരിക്കുന്നത്. താമരയുടെ വരികൾക്ക് അനിരുദ്ധ് ആണ് ഈണം നൽകിയിരിക്കുന്നത്.

ഇന്ത്യൻ 2 എന്ന ചിത്രത്തിന്റെ വിതരണാവകാശം ശ്രീ ഗോകുലം മൂവീസിന് വേണ്ടി ഗോകുലം ഗോപാലൻ സ്വന്തമാക്കിയിട്ടുണ്ട്. ചിത്രം ജൂലൈ 12 ന് തിയേറ്ററുകളിലെത്തും. ലൈക്ക പ്രൊഡക്ഷൻസിന്റെ ബാനറിൽ സുബാസ്കരൻ ആണ് ചിത്രം നിർമിക്കുന്നത്. കമൽ ഹാസൻ, സിദ്ധാർത്ഥ്, രാകുൽ പ്രീത് എന്നിവരെ കൂടാതെ കാജൽ അഗർവാൾ, എസ് ജെ സൂര്യ, ബോബി സിംഹ, തുടങ്ങിയവരും ചിത്രത്തിൽ സുപ്രധാന വേഷങ്ങളിലെത്തുന്നു.

ഛായാഗ്രഹണം: രവി വർമ്മൻ, ചിത്രസംയോജനം: ശ്രീകർ പ്രസാദ്, ആക്ഷൻ - അൻബറിവ്, പീറ്റർ ഹെയിൻ, സ്റ്റണ്ട് സിൽവ, എക്സിക്യൂട്ടീവ് പ്രൊഡ്യുസർ - ജി കെ എം തമിഴ് കുമരൻ, പി ആർ ഒ - ശബരി. ഡ്രീം ബിഗ് ഫിലിംസാണ് ഡിസ്ട്രിബ്യുഷൻ പാർട്ണർ.