Njan Kandatha Sare: ചിരിപ്പൂരം തീർക്കാൻ ഇന്ദ്രജിത്തും ബൈജുവും; `ഞാൻ കണ്ടതാ സാറേ` ടീസർ എത്തി

ഇന്ദ്രജിത്ത് സുകുമാരൻ നായകനായി എത്തുന്ന 'ഞാൻ കണ്ടതാ സാറെ' ടീസർ എത്തി. ഇന്ദ്രജിത്തിനൊപ്പം ബൈജു സന്തോഷും ടീസറിലുണ്ട്.  ചിത്രം നവംബർ 22ന് തിയറ്ററുകളിലെത്തും.

പ്രിയദർശന്റെ സഹസംവിധായകനായിരുന്ന വരുൺ ജി പണിക്കർ സ്വതന്ത്രസംവിധായകനാകുന്ന ചിത്രമാണ് 'ഞാൻ കണ്ടതാ സാറെ'. ഹൈലൈൻ പിക്ചേർസിൻ്റെ ബാനറിൽ പ്രകാശ് ഹൈലൈനും അമീർ അബ്ദുൾ അസീസ്സും ചേര്‍ന്ന്‌ നിർമ്മിക്കുന്ന ഈ ചിത്രത്തിൻ്റെ കോ-പ്രൊഡ്യൂസർ ദീപു കരുണാകരനാണ്.

ഹ്യൂമർ ത്രില്ലർ ജോണറിൽ അണിയിച്ചൊരുക്കുന്ന ചിത്രത്തിൽ അനൂപ് മേനോൻ, മെറീനാ മൈക്കിൾ, സുധീർ കരമന, അബ്ദുൾ സമദ്, സാബൂ മോൻ, അർജുൻ നന്ദകുമാർ, ബിനോജ് കുളത്തൂർ ദീപു കരുണാകരൻ, സംവിധായകൻ സുരേഷ് കൃഷ്ണ, അലൻസിയർ, ബിജു പപ്പൻ, ബാലാജി ശർമ്മ, സന്തോഷ് ദാമോദരൻ, അജിത് ധന്വന്തിരി, മല്ലികാ സുകുമാരൻ, പാർവ്വതി അരുൺ, അഞ്ജനാ അപ്പുക്കുട്ടൻ എന്നിവരും പ്രധാനവേഷത്തിൽ എത്തുന്നു. 

രചന - അരുൺ കരിമുട്ടം, സംഗീതം - മനു രമേശ്, ഛായാഗ്രഹണം - പ്രശാന്ത് കൃഷ്ണ, എഡിറ്റിംഗ് -എം.എസ്. അയ്യപ്പൻ നായർ, കലാസംവിധാനം - സാബുറാം, മേക്കപ്പ് - പ്രദീപ് വിതുര, കോസ്റ്റ്യം ഡിസൈൻ - അസീസ് പാലക്കാട്, ചീഫ് അസ്റ്റോസ്റ്റിമേറ്റ് ഡയറക്ടർ - സഞ്ജു അമ്പാടി, അസ്റ്റോസ്റ്റിയറ്റ് ഡയറക്ടർ - ബിന്ദു.ജി. നായർ, എക്സിക്കുട്ടീവ് പ്രൊഡ്യൂസർ - ബാബു ആർ, ഫിനാൻസ് കൺട്രോളർ - സന്തോഷ് ബാലരാമപുരം, പ്രൊഡക്ഷൻ മാനേജർ - കുര്യൻ ജോസഫ്, പ്രൊഡക്ഷൻ എക്സിക്കുട്ടീവ് ഹരി കാട്ടാക്കട, പ്രൊഡക്ഷൻ കൺടോളർ -എസ്. മുരുകൻ, വാഴൂർ ജോസ്, ഫോട്ടോ - ജയപ്രകാശ് അതളൂർ എന്നിവരാണ് മറ്റ് അണിയറ പ്രവർത്തകർ.