Dariush Mehrjui Death: ഇറാനിയൻ ചലച്ചിത്ര സംവിധായകൻ ദാരിയുഷ് മെഹർജുയിയും ഭാര്യയും മരിച്ച നിലയിൽ

പ്രശസ്ത ഇറാനിയൻ ചലച്ചിത്ര സംവിധായകൻ ദാരിയുഷ് മെഹർജുയിയെയും ഭാര്യയെയും വീട്ടിൽ മരിച്ച നിലയിൽ കണ്ടെത്തി. ഒരു അജ്ഞാത അക്രമി ഇവരെ വിട്ടീൽ കയറി കൊലപ്പെടുത്തിയെന്ന് സ്റ്റേറ്റ് മീഡിയ റിപ്പോർട്ട് ചെയ്യുന്നു വെന്ന് ദ വീക്ക് വാർത്തയിൽ ചൂണ്ടിക്കാട്ടുന്നു. മെഹർജിയുടെയും ഭാര്യ വഹിദെ മുഹമ്മദീഫറിനെയും കഴുത്തിൽ മുറിവുകളുണ്ടെന്ന് ജുഡീഷ്യറി ഉദ്യോഗസ്ഥനായ ഹൊസൈൻ ഫസെലിയെ ഉദ്ധരിച്ച് ഔദ്യോഗിക വാർത്താ ഏജൻസിയായ ഐആർഎൻഎ റിപ്പോർട്ട് ചെയ്തു. 

ഇറാനിലെ തലസ്ഥാനമായ ടെഹ്‌റാനിൽ നിന്ന് 30 കിലോമീറ്റർ പടിഞ്ഞാറാണ് ഇരുവരും താമസിക്കുന്നത്. ദാരിയുഷ് മെഹർജുയിയുടെ  മകൾ മോണ മെഹർജുയി വീട്ടിലെത്തിയപ്പോഴാണ് ഇരുവരും മരിച്ചതായി മനസ്സിലായത്. കുറച്ച് ദിവസങ്ങളായി  സോഷ്യൽ മീഡിയയിൽ തങ്ങൾക്ക് ഭീക്ഷണി ഉണ്ടായിരുന്നതായി ഭാര്യ പരാതിപ്പെട്ടിരുന്നു. ഇതിൽ അന്വേഷണം നടക്കുന്നതായാണ് റിപ്പോർട്ട്. 

1970 കളുടെ തുടക്കത്തിൽ ഇറാൻ സിനിമയിൽ ഒരു പുതിയ തംരംഗം തന്നെ അദ്ദേഹം സൃഷ്ടിച്ചു. റിയലിസ്റ്റിക് സിനിമകൾ നിർമ്മിക്കുന്നതിൽ അദ്ദേഹം ശ്രദ്ധ കേന്ദ്രീകരിച്ചു.  1998 ലെ ചിക്കാഗോ ഇന്റർനാഷണൽ ഫിലിം ഫെസ്റ്റിവലിൽ നിന്ന് സിൽവർ ഹ്യൂഗോയും 1993 ലെ സാൻ സെബാസ്റ്റിൻ ഇന്റർനാഷണൽ ഫിലിം ഫെസ്റ്റിവലിൽ ഗോൾഡൻ സീഷെലും ഉൾപ്പെടെ നിരവധി അവാർഡുകൾ അദ്ദേഹത്തിന് ലഭിച്ചിട്ടുണ്ട്.  യൂണിവേഴ്സിറ്റി ഒാഫ് കാലിഫോർണിയയിൽ നിന്നാണ് അദ്ദേഹം തൻറെ വിദ്യാഭ്യാസം പൂർത്തിയാക്കിയത്.