Jersey OTT Release: ജേഴ്സിയുടെ ഒടിടി റിലീസ് തീയ്യതി പ്രഖ്യാപിച്ചു, ചിത്രം നെറ്റ്ഫ്ലിക്സിൽ
ക്രിക്കറ്റിൽ നിന്ന് വിരമിച്ച ശേഷം 36-ാം വയസ്സിൽ വീണ്ടും മത്സരത്തിലേക്ക് എത്തുന്നയാളുടെ കഥയാണ് ജഴ്സി പറയുന്നത്
ഷാഹിദ് കപൂർ നായകനാകുന്ന സ്പോർട്സ് ചിത്രം ജേഴ്സിയുടെ ഒടിടി റിലീസ് തീയ്യതി പ്രഖ്യാപിച്ചു. ഗൗതം തിണ്ണനൂരി സംവിധാനം ചെയ്യുന്ന ചിത്രം നെറ്റ്ഫ്ലിക്സിലാണ് റിലീസ് ചെയ്യുന്നത്. നിലവിലെ സൂചനകൾ പ്രകാരം മെയ് 20-ന് ചിത്രം കാണാനാവും.
നാനി നായകനായെത്തിയ ചിത്രം 2019-ലാണ് റിലീസിന് എത്തിയത്. ഇതിൻറെ ഹിന്ദി റീ മേക്കാണിത്. ഇടയിൽ കെജിഎഫ്-2 ൻറെ റിലീസ് കൂടി എത്തിയതോടെ വീണ്ടും റിലീസ് തീയ്യതി മുന്നോട്ട് പോവുകയായിരുന്നു.ഷാഹിദ് കപൂറിനെ കൂടാതെ മൃണാൽ ഠാക്കൂർ, പങ്കജ് കപൂർ, റോണിത് കമറ, ഗീതിക മഹേന്ദ്രു, ശിശിർ ശർമ്മ,ഋതുരാജ് സിംഗ് തുടങ്ങിയവരാണ് വേഷമിട്ടത്.
ALSO READ : 777 Charlie Movie : ചാർലിയുടെയും ധർമയുടെ പ്രയാണം; 777 ചാർലി സിനിമയുടെ ട്രെയിലർ
ക്രിക്കറ്റിൽ നിന്ന് വിരമിച്ച ശേഷം 36-ാം വയസ്സിൽ വീണ്ടും മത്സരത്തിലേക്ക് എത്തുന്നയാളുടെ കഥയാണ് ജഴ്സി പറയുന്നത്.ചണ്ഡീഗഢിൻ്റെ പശ്ചാത്തലത്തിൽ അവതരിപ്പിച്ചിരിക്കുന്ന ചിത്രത്തിൽ അർജ്ജുൻ തൽവാർ എന്ന കഥാപാത്രമായാണ് ഷാഹിദ് കപൂർ എത്തുന്നത്. തെലുങ്ക് പതിപ്പിന് മികച്ച പ്രതികരണമായിരുന്നു ലഭിച്ചത്.
ചിത്രത്തിൻറെ തെലുങ്ക് പതിപ്പ് ബോക്സോഫീസിൽ 52 കോടിയാണ് നേടിയത്. ചിത്രത്തിൻറെ മുതൽ മുടക്ക് പരമാവധി 40 കോടിയാണ്. അല്ലു എൻറർടെയിൻമെൻറ്,ദിൽ രാജു പ്രോഡക്ഷൻസ്, സിതാര എൻറർടെയിൻമെൻറ്, ബ്രാറ്റ് ഫിലിംസ് എന്നിവരുടെ ബാനറിൽ ദിൽരാജു, സൂര്യദേവ് നാഗ വംശി, അമാൻ ഗിൽ എന്നിവർ ചേർന്നാണ് ചിത്രം നിർമ്മിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...